topbanner
Tuesday June 27th, 2017 - 2:13:am
topbanner

ഭീം ആപ് ഡൗണ്‍ലോഡിങ് സൌജന്യമല്ല?; നിരവധി പേര്‍ക്ക് പണം നഷ്ടമായി

NewsDesk
ഭീം ആപ്  ഡൗണ്‍ലോഡിങ്  സൌജന്യമല്ല?; നിരവധി പേര്‍ക്ക് പണം നഷ്ടമായി

ഭീം ആപ് ഡൗണ്‍ലോഡിങ് സൌജന്യമല്ല. ലോഞ്ച് ചെയ്ത് വെറും ആറ് ദിവസത്തിനകം 3 മില്യണ്‍ ആളുകള്‍ ഡൗണ്‍ലോഡ് ചെയ്ത ഡിജിറ്റല്‍ പണമിടമാട് പ്രോത്സാഹിപ്പിക്കാനായി കേന്ദ്ര സര്‍ക്കാര്‍ പുറത്തിറക്കിയ ഭീം ആപ്പ് അവകാശപ്പെട്ടതു പോലെ സൌജന്യമല്ല.

ഗൂഗിള്‍ പ്ലേ സ്റ്റോറില്‍ നിന്ന് സൌജന്യമായി ആപ്ലിക്കേഷന്‍ ഡൌണ്‍ലോഡ് ചെയ്യാമെങ്കിലും മിക്ക ഉപഭോക്താക്കള്‍ക്കും ഒന്നര രൂപ നഷ്ടമായി. ആപ് ഡൌണ്‍ലോഡ് ചെയ്യുന്പോള്‍ ഉപയോക്താവിനെ തേടി ഒരു വേരിഫിക്കേഷന്‍ കോഡ് എത്തും. ഇതിനോടൊപ്പമാണ് 1.50 രൂപ നഷ്ടമായതായുള്ള എസ്എംഎസ് സന്ദേശം ഉപയോക്താവിനെ തേടിയെത്തുന്നത്.

ഇന്‍റര്‍നെറ്റ് ഇല്ലാതെ പോലും ആപ്ലിക്കേഷന്‍ ഉപയോഗിക്കാനാവുമെന്ന കേന്ദ്രത്തിന്‍റെ അവകാശവാദവും തെറ്റാണെന്നാണ് ഡൌണ്‍ലോഡ് ചെയ്തവരുടെ പരിപാടി. ഒരു സര്‍ക്കാര്‍ ഉദ്യമത്തിന്‍റെ എല്ലാ ന്യൂനതകളും ആപ്ലിക്കേഷനില്‍ പ്രകടമാണെന്നും ഉപയോക്താക്കള്‍ കുറ്റപ്പെടുത്തുന്നു. ഭീം ആപ്പ് ഡൌണ്‍ലോഡ് ചെയ്ത് ആവശ്യപ്പെടുന്ന എല്ലാ സാങ്കേതിക നടപടിക്രമങ്ങളും പൂര്‍ത്തിയാക്കിയിട്ടും പലര്‍ക്കും ഇടപാട് നടത്താനായില്ലെന്നും പരാതിയുണ്ട്.

ഡിസംബര്‍ 30 നാണ് പ്രധാനമന്ത്രി നരേന്ദ്രമോദി ഭീം ആപ്ലിക്കേഷന്‍ എന്നറിയപ്പെടുന്ന ഭാരത് ഇന്റര്‍ഫേസ് ഫോര്‍ മണി പുറത്തിറക്കിയത്. അംബേദ്കറിന് ആദരമര്‍പ്പിച്ചുകൊണ്ടാണ് ഭീം എന്ന പേര് നല്‍കിയിരിക്കുന്നത്. നാഷ്ണല്‍ പെയ്‌മെന്റ് കോര്‍പ്പറേഷന്‍ ഓഫ് ഇന്ത്യ ആണ് ഈ ആപ്ലിക്കേഷന്‍ നിര്‍മ്മിച്ചിരിക്കുന്നത്.

Read more topics: BHIM App, Not Free,
English summary
Newly Launched BHIM App download is Not Free