Tuesday November 13th, 2018 - 10:22:am
topbanner

ബാറ്റിംഗ് കോച്ചാകാന്‍ ദ്രാവിഡ് ഒരുങ്ങി; രവിയുമായി സംസാരിച്ച ശേഷം പിന്‍മാറി; കാരണമറിയാതെ ഗാംഗുലി

suji
 ബാറ്റിംഗ് കോച്ചാകാന്‍ ദ്രാവിഡ് ഒരുങ്ങി; രവിയുമായി സംസാരിച്ച ശേഷം പിന്‍മാറി; കാരണമറിയാതെ ഗാംഗുലി

ദില്ലി: ഇംഗ്ലണ്ടില്‍ ഇന്ത്യയുടെ പ്രകടനം മോശമായതാണ് ഇപ്പോള്‍ വാര്‍ത്തകളില്‍ വിമര്‍ശനങ്ങളായി മാറുന്നത്. മുഖ്യകോച്ച് രവി ശാസ്ത്രിയും, സപ്പോര്‍ട്ടിംഗ് ജീവനക്കാരുടെയും ടീമിലെ റോളും ചോദ്യം ചെയ്യപ്പെടുന്നു. ലോകമെമ്പാടും എതിരാളികളെ തോല്‍പ്പിക്കുന്ന ടീമായി ഇന്ത്യ മാറുമെന്ന് ശാസ്ത്രി പ്രഖ്യാപിച്ചെങ്കിലും സൗത്ത് ആഫ്രിക്കയില്‍ 2-1നും, ഇംഗ്ലണ്ടില്‍ 3-1നും ഇന്ത്യ തോല്‍വി രുചിച്ചു.

രവി ശാസ്ത്രിയെ മുഖ്യ കോച്ചായി തെരഞ്ഞെടുത്ത ക്രിക്കറ്റ് അഡൈ്വസറി കമ്മിറ്റി രാഹുല്‍ ദ്രാവിഡിനെ ബാറ്റിംഗ് കണ്‍സള്‍ട്ടന്റായും, സഹീര്‍ ഖാനെ ബൗളിംഗ് കോച്ചായും തെരഞ്ഞെടുത്തിരുന്നു. എന്നാല്‍ ഇവര്‍ പിന്‍മാറുകയും സഞ്ജയ് ബംഗര്‍, ഭരത് അരുണ്‍ എന്നിവര്‍ ഈ റോളില്‍ എത്തുകയുമായിരുന്നു.

ദ്രാവിഡ് എന്ത് കൊണ്ടാണ് പിന്‍മാറിയതെന്ന് തനിക്ക് യാതൊരു അറിവുമില്ലെന്ന് കമ്മിറ്റി അംഗമായിരുന്ന മുന്‍ ക്യാപ്റ്റന്‍ സൗരവ് ഗാംഗുലി വ്യക്തമാക്കി. രവി ശാസ്ത്രിയുമായി സംസാരിച്ച ശേഷമായിരുന്നു ഈ പിന്‍മാറ്റം. എന്താണ് അവിടെ സംഭവിച്ചതെന്ന് അറിയില്ല. രവി ശാസ്ത്രി പൂര്‍ണ്ണ ഉത്തരവാദിത്വം ഏറ്റെങ്കിലും അത് പൂര്‍ത്തിയാക്കേണ്ട ചുമതലയും അദ്ദേഹത്തിനുണ്ട്, ഗാംഗുലി കൂട്ടിച്ചേര്‍ത്തു.

 

English summary
rahul agreed to become Indias batting consultant before chat with ravi shastr
topbanner

More News from this section

Subscribe by Email