Wednesday November 14th, 2018 - 12:51:pm
topbanner

മലയാളികള്‍ ഉള്‍പ്പെടെ 5 പേരുടെ കൊലപാതകം; സൗദി സ്വദേശികള്‍ക്ക് വധശിക്ഷ

NewsDesk
മലയാളികള്‍ ഉള്‍പ്പെടെ 5 പേരുടെ കൊലപാതകം; സൗദി സ്വദേശികള്‍ക്ക് വധശിക്ഷ

ദമാം: മലയാളികള്‍ അടക്കം അഞ്ച് ഇന്ത്യക്കാരെ ജീവനോടെ കുഴിച്ചുമൂടി കൊലപ്പെടുത്തിയ കേസില്‍ മൂന്ന് സൗദി പൗരന്മാര്‍ക്ക് വധശിക്ഷ വിധിച്ചു. 2010ല്‍ നടന്ന സംഭവം അടുത്തിടെയാണ് തെളിഞ്ഞത്.

സ്‌പോണ്‍സറുടെ മകളെ പീഡിപ്പിക്കാന്‍ ശ്രമിച്ചെന്ന് ആരോപിച്ച് പ്രതികള്‍ ഇന്ത്യക്കാരെ ജീവനോടെ കുഴിച്ചിടുകയായിരുന്നു. അടുത്തിടെ മൃതദേഹ അവശിഷ്ടങ്ങള്‍ കണ്ടെത്തിയതോടെയാണ് അന്വേഷണം തുടങ്ങി പ്രതികളെ പിടികൂടിയത്.

സൗദി അറേബ്യയിലെ ഖത്തീഫ് സ്വഫ്‌വയിലാണ് സംഭവം. കൊല്ലം കൊട്ടാരക്കര മുസ്ലിം സ്ട്രീറ്റില്‍ ഷാജഹാന്‍ കുഞ്ഞ്, തിരുവനന്തപുരം കല്ലമ്പലം നാവായിക്കുളം വടക്കേവിള സലീം അബ്ദുല്‍ഖാദര്‍, കൊല്ലം കണ്ണനല്ലൂര്‍ സ്വദേശി ശൈഖ്, കന്യാകുമാരി സ്വദേശികളായ ലാസര്‍, ബഷീര്‍ ഫാറൂഖ് എന്നിവരാണ് ക്രൂരമായി കൊല്ലപ്പെട്ടത്.

മദ്യവുമായി കാറില്‍ പോകുന്നതിനിടെ തോട്ടത്തില്‍ നിന്ന് സുഹൃത്ത് വിളിച്ചതനുസരിച്ചാണ് ചെന്നതെന്ന് പ്രതികളിലൊരാള്‍ കുറ്റസമ്മത മൊഴിയില്‍ പറഞ്ഞു. അവിടെ എത്തിയപ്പോള്‍ തൊട്ടടുത്ത മുറിയില്‍ അഞ്ചുപേരെ കൈകള്‍ പിന്നിലേക്ക് കെട്ടിയ നിലയില്‍ കണ്ടു. അന്വേഷിച്ചപ്പോള്‍ കൂട്ടത്തിലൊരാള്‍ അയാളുടെ സ്‌പോണ്‍സറുടെ മകളെ പീഡിപ്പിക്കാന്‍ ശ്രമിച്ചുവെന്ന മറുപടിയാണ് ലഭിച്ചത്. പിന്നീട് കൂട്ടുകാരോടൊപ്പം മദ്യപിക്കുകയും മയക്കുമരുന്ന് ഉപയോഗിക്കുകയും ചെയ്തു. ലഹരി തലക്കു പിടിച്ചപ്പോള്‍ കെട്ടിയിട്ടവരെ ക്രൂരമായി മര്‍ദിച്ച് ബോധരഹിതരാക്കുകയായിരുന്നു. അതിനു ശേഷം ടേപ്പുകൊണ്ട് ബന്ധിച്ച് തോട്ടത്തിലുണ്ടായിരുന്ന കുഴിയില്‍ തള്ളി. ഇവരുടെ തിരിച്ചറിയല്‍ രേഖകളും കുഴിയിലിട്ട് മൂടി.

നാലുവര്‍ഷത്തിന് ശേഷം 2014 ജനുവരിയില്‍ തോട്ടം പാട്ടത്തിനെടുത്തയാള്‍ കൃഷിയാവശ്യത്തിനായി മണ്ണെടുക്കുന്നതിനിടെയാണ് മൃതദേഹാവശിഷ്ടങ്ങളും തിരിച്ചറിയല്‍ രേഖകളും കണ്ടെടുത്തത്. അഞ്ചു ശരീരാവശിഷ്ടങ്ങള്‍ മണ്ണിനടിയില്‍ നിന്ന് കിട്ടിയത് വലിയ വാര്‍ത്തയായിരുന്നു. പക്ഷേ, ആരുടേതാണെന്ന് ആദ്യം തിരിച്ചറിയാന്‍ സാധിച്ചിരുന്നില്ല. ഷാജഹാന്റെയും സലീമിന്റെയും പേരിലുള്ള തിരിച്ചറിയല്‍ രേഖകള്‍ മണ്ണില്‍ നിന്ന് കിട്ടിയതാണ് നിര്‍ണായക വഴിത്തിരിവായത്. മണ്ണിനടിയില്‍ നിന്ന് ലഭിച്ച എല്ലിന്‍ കഷ്ണങ്ങളും തലയോട്ടിയും ഡിഎന്‍എ പരിശോധനക്ക് ശേഷം തിരിച്ചറിയുകയായിരുന്നു.

പരിയാരം; യുവതിയുടെ മൃതദേഹത്തിന്റെ നഗ്നചിത്രമെടുക്കാന്‍ ആശുപത്രി ജീവനക്കാരന്റെ ശ്രമം

പെണ്‍കുട്ടിയെ കാണാതായി രണ്ടാഴ്ച; കേരള പോലീസ് ഇരുട്ടില്‍ തപ്പുന്നു

Read more topics: Saudi, murder, Indian
English summary
Saudis sentenced to death for grisly murder of Indians
topbanner

More News from this section

Subscribe by Email