Saturday September 22nd, 2018 - 10:59:am
topbanner

സൗദിയില്‍ വിദേശികള്‍ക്കായി എഴുപതിനായിരത്തോളം തൊഴില്‍ അവസരങ്ങള്‍

suji
സൗദിയില്‍ വിദേശികള്‍ക്കായി എഴുപതിനായിരത്തോളം തൊഴില്‍ അവസരങ്ങള്‍

സൗദി അറേബ്യയില്‍ വിദേശികള്‍ക്ക് ജോലി ചെയ്യാന്‍ അനുമതിയുള്ള സ്വകാര്യ മേഖലയിലെ എഴുപതിനായിരത്തിലധികം തസ്തികകള്‍ ഒഴിഞ്ഞുകിടക്കുന്നുവെന്ന് റിപ്പോര്‍ട്ട്. 45000 തസ്തികകള്‍ സ്വദേശികള്‍ക്ക് തൊഴില്‍ അവസരമുണ്ടെങ്കിലും നിയമനം നടന്നിട്ടില്ലെന്നും റിപ്പോര്‍ട്ടില്‍ വ്യക്തമാക്കുന്നു.

സ്വകാര്യ മേഖലയിലെ നിരവധി തസ്തികകളാണ് ഒഴിഞ്ഞു കിടക്കുന്നത്. 45919 ഒഴിവുകള്‍ സ്വദേശിവത്കരിച്ചവയാണ്. ബാക്കിയുള്ള 70149 എണ്ണം വിദേശികള്‍ക്കുള്ള തൊഴിലവസരമാണ്. ചെറുകിട വ്യവസായ വാണിജ്യ സംരംഭങ്ങള്‍, ഹോട്ടല്‍, അപ്പാര്‍ട്ട്‌മെന്റുകള്‍ തുടങ്ങിയ മേഖലകളിലാണ് വിദേശികള്‍ക്ക് തൊഴില്‍ അവസരമുള്ളത്. കഴിഞ്ഞ വര്‍ഷം അവസാനംവരെയുള്ള കണക്കുകകള്‍ പ്രകാരം നിര്‍മ്മാണ മേഖലകയില്‍ 21657 തൊഴില്‍ അവസരങ്ങളാണ് വിദേശികള്‍ക്കുള്ളത്.

3190 തസ്തികകളാണ് സ്വദേശിവത്കരണം ആവശ്യമുള്ളത്. വ്യവസായ മേഖലകളില്‍ ഒഴിവുള്ള 18641 തസ്തികകളില്‍ 7835 എണ്ണം സ്വദേശികള്‍ക്ക് സംവരണം ചെയ്തതാണ്. 2017 മാര്‍ച്ച് 2018 മുതല്‍ 2018 മാര്‍ച്ച് വരെ തൊഴില്‍ മന്ത്രാലയം 8.19 ലക്ഷം തൊഴില്‍ വിസകള്‍ വിതരണം ചെയ്‌തെങ്കിലും എഴുപതിനായിരത്തില്‍ അധികം തസ്തികകള്‍ ഒഴിഞ്ഞുകിടക്കുകയാണ്.

 

Read more topics: saudi, job vacancy
English summary
saudi job vacancies
topbanner

More News from this section

Subscribe by Email