Wednesday July 24th, 2019 - 5:57:am
topbanner
topbanner

തെരഞ്ഞെടുപ്പ് സ്‌ക്വാഡ് നാലരകിലോ സ്വര്‍ണ്ണം സംശയാസ്പദമായി പിടിച്ചെടുത്തു

BI
 തെരഞ്ഞെടുപ്പ് സ്‌ക്വാഡ് നാലരകിലോ സ്വര്‍ണ്ണം സംശയാസ്പദമായി പിടിച്ചെടുത്തു

ഫ്‌ളൈയിങ് സ്‌ക്വാഡിന്റെ നേതൃത്വത്തില്‍ തിരൂരങ്ങാടി പാലച്ചിറമാടില്‍ നടന്ന പരിശോധനയില്‍ സംശയാസ്പദമായി 1.30 കോടി രൂപയുടെ നാലര കിലോ സ്വര്‍ണ്ണം പിടിച്ചെടുത്തു. കെല്‍.11.എ.ഡബ്ല്യു.2217 നമ്പറുള്ള കോഴിക്കോടുള്ള ബി.വി.സി ലോജിസ്റ്റിക്കിലുള്ള പ്രൈവറ്റ് കൊറിയര്‍ വാഹനത്തില്‍് നിന്നാണ് സ്വര്‍ണ്ണം കണ്ടെടുത്തത്. ഫ്‌ളൈയിങ് സക്വാഡിലെ എടരിക്കോട് ഗ്രാമപഞ്ചായത്ത് സെക്രട്ടറിയുടെ ടി.അബ്ദുല്‍ നാസറിന്റെ നേതൃത്വത്തിലുള്ള സംഘമാണ് സ്വര്‍ണ്ണം പിടിച്ചെടുത്തത്. തുടര്‍ന്ന് ഇന്‍കം ടാക്‌സ് ഉദ്യോഗസ്ഥരെ അറിയിക്കുകയായിരുന്നു.

ഫിനാന്‍സ് ഓഫീസര്‍ എന്‍.സന്തോഷ് കുമാര്‍, അസിസ്റ്റന്റ് സ്റ്റേറ്റ് ടാക്‌സ് ഓഫീസര്‍ ജയപ്രകാശ് തുടങ്ങിയവര്‍ മലബാര്‍ ഗോള്‍ഡ് സ്ഥാപനത്തിന്റെ പ്രതിനിധികളുടെ സാന്നിധ്യത്തില്‍ പിടിച്ചെടുത്ത സ്വര്‍ണ്ണവുമായി ബന്ധപ്പെട്ട രേഖകളില്‍ പരിശോധന നടത്തി. പരിശോധനയില്‍ മതിയായ രേഖകള്‍ ഇന്‍കം ടാക്‌സ് ഉദ്യോഗസ്ഥര്‍ കണ്ടെത്തിയതിനെ തുടര്‍ന്ന് സ്വര്‍ണ്ണം ഉടമയ്ക്ക് തിരിച്ച് നല്‍കും.

 

Read more topics: fliying sqaud, malappuram
English summary
election fliying sqaud capture gold
topbanner

More News from this section

Subscribe by Email