Monday February 18th, 2019 - 11:56:am
topbanner

സംസ്ഥാനത്ത് നിര്‍മ്മാണ മേഖലയില്‍ വികസനപ്രവര്‍ത്തനങ്ങള്‍ കുതിക്കുന്നു : മുഖ്യമന്ത്രി

jithin
സംസ്ഥാനത്ത് നിര്‍മ്മാണ മേഖലയില്‍  വികസനപ്രവര്‍ത്തനങ്ങള്‍  കുതിക്കുന്നു : മുഖ്യമന്ത്രി

കാസര്‍ഗോഡ്: റോഡ്,പാലം ഉള്‍പ്പെടെ 10,000 കോടിയുടെ നിര്‍മ്മാണ പ്രവര്‍ത്തികളാണ് സംസ്ഥാനത്ത് നടന്നുകൊണ്ടിരിക്കുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. ഇത് ബജറ്റില്‍ അനുവദിച്ച തുക മാത്രമാണ്. പൊതുമരാമത്ത് വകുപ്പ് മാത്രം 24390 കോടി രൂപയുടെ 561 നിര്‍മ്മാണ പ്രവര്‍ത്തികളും  നടത്തിക്കൊണ്ടിരിക്കുന്നത്. കിഫ്ബിയിലൂടെയാണ് ഈ പണം കണ്ടെത്തുന്നതെന്നും മുഖ്യമന്ത്രി പറഞ്ഞു.കാസര്‍കോട് ജില്ലയിലെ ഏറ്റവും വലിയ പാലമായ അച്ചാംതുരുത്തി-കോട്ടപ്പുറം പാലം ഉദ്ഘാടനം ചെയ്തു  സംസാരിക്കുന്നു അദ്ദേഹം.
 
പശ്ചാത്തല സൗകര്യ വികസനത്തിന് ദീര്‍ഘകാല പദ്ധതിയാണ് സര്‍ക്കാര്‍ ആവിഷ്‌ക്കരിച്ച് നടപ്പിലാക്കിക്കൊണ്ടിരിക്കുന്നത്. അതാത് നിയോജക മണ്ഡലങ്ങളിലെ ജനപ്രതിനിധികളുടെ  നിര്‍ദേശങ്ങള്‍ക്ക് അനുസരിച്ചാകും വികസന പ്രവര്‍ത്തനങ്ങള്‍ നടത്തുന്നത്. സംസ്ഥാനത്ത് അപകടാവസ്ഥയിലായ 155 പാലങ്ങളും കലിങ്കുകളും പുതുക്കി പണിയുന്നതിന് പൊതുമരാമത്ത് വകുപ്പ് രൂപം നല്‍കി വരുകയാണ്. നിര്‍മ്മാണത്തിലെ അപാകത മൂലമോ മേല്‍നോട്ടത്തിലെ വീഴ്ചയോ അശാസ്ത്രീയതയോ കാരണം റോഡുകളും പാലങ്ങളും കാലാവധി പൂര്‍ത്തിയാകുന്നതിന് മുമ്പ് തകരുന്നുണ്ട്. ഇനി അത്തരം വീഴ്ചകള്‍ അനുവദിക്കില്ല. ഇക്കാര്യത്തില്‍ ജാഗ്രതയുള്ള സമീപനമാണ് പൊതുമരാമത്ത് വകുപ്പിന്റേത്. അഴിമതിക്കെതിരെ വകുപ്പിന്റെത് വിട്ടുവീഴ്ചയില്ലാത്ത സമീപനമാണ്. അഴിമതിക്കാര്‍ക്കെതിരെ ശക്തമായ നടപടി ഉണ്ടാകും. നിക്ഷിപ്ത താല്‍പര്യക്കാര്‍ അഴിമതിയില്‍ നിന്ന് പിന്‍വാങ്ങുന്നുണ്ട്.  അഴിമതി അത്രപെട്ടന്ന് ഇല്ലാതാകുമെന്ന് സര്‍ക്കാര്‍ കരുതുന്നില്ല. ഇക്കാര്യത്തില്‍ തികഞ്ഞ ജാഗ്രത സര്‍ക്കാരിന്റെ ഭാഗത്തുനിന്നുണ്ടാകുമെന്ന് മുഖ്യമന്ത്രി പറഞ്ഞു.

Viral News

Read more topics: Development, manufacturing, CM
English summary
Development works in the manufacturing sector in the state: CM
topbanner

More News from this section

Subscribe by Email