Sunday June 24th, 2018 - 11:56:pm
topbanner
Breaking News

ലൈംഗികാതിക്രമത്തെ കുറിച്ച് ഗായിക ചിന്മയി തുറന്നു പറഞ്ഞു; പിന്നാലെ സംഭവിച്ചത് മറ്റൊന്ന്

Jikku Joseph
ലൈംഗികാതിക്രമത്തെ കുറിച്ച് ഗായിക ചിന്മയി തുറന്നു പറഞ്ഞു; പിന്നാലെ സംഭവിച്ചത് മറ്റൊന്ന്

അഭിപ്രായങ്ങള്‍ തുറന്നു പറയുന്ന ആളാണ് ഗായിക ചിന്മയി. അതുകൊണ്ട് തന്നെ പലപ്പോഴും ഇതിന്റെ പേരില്‍ വലിയ ഭീഷണികളും, അവഹേളനങ്ങളും താരം നേരിടാറുമുണ്ട്. ഇത്തവണ പെണ്‍കുട്ടികളും ആണ്‍കുട്ടികളും നേരിടുന്ന ലൈംഗികാതിക്രമത്തിനെതിരെയാണ് താരം രംഗത്തു വന്നിരിക്കുന്നത്.

ഏതാനും ദിവസം മുന്‍പ് ഒരു പരിപാടിയില്‍ പങ്കെടുക്കവെ അപരിചിതനായ ഒരാളില്‍ നിന്ന് നേരിടേണ്ടി വന്ന മോശമായ അനുഭവം ചിന്മയി ട്വീറ്റ് ചെയ്തിരുന്നു. ഇതിനു പിന്നാലെ കുട്ടിക്കാലം മുതലുണ്ടായ ഇത്തരം മോശം അനുഭവങ്ങള്‍ വെളിപ്പെടുത്തി നിരവധി പെണ്‍കുട്ടികളും ആണ്‍കുട്ടികളുമാണ് രംഗത്തെത്തിയത്.

ഇതോടെ തന്നോട് അവര്‍ പങ്കുവെച്ച അനുഭവങ്ങള്‍ മറ്റുള്ളവര്‍ക്കായി ചിന്മയി പങ്കുവെച്ചു. സ്വന്തം അധ്യാപകര്‍, സഹോദരന്‍, സഹയാത്രികന്‍, ആരാധനാലയങ്ങള്‍, കുടുംബം എന്നിവിടങ്ങളില്‍ നിന്നാണ് എല്ലാവരും ദുരനുഭവങ്ങള്‍ നേരിട്ടത്. പക്ഷേ വീട്ടുകാരോ സുഹൃത്തുക്കളോ വിശ്വസിക്കില്ലെന്ന് ഭയന്ന് തുറന്നു പറയാന്‍ കുട്ടികളാരും തയ്യാറാകുന്നില്ല.

പെണ്‍കുട്ടികളെ കേള്‍ക്കാന്‍ ആരെങ്കിലുമൊക്കെ ഉണ്ടാകും പക്ഷേ ആണ്‍കുട്ടികള്‍ പറയുന്നതാരും കേള്‍ക്കാത്ത അവസ്ഥയുണ്ട്. ഇത് തുറന്നു പറയാന്‍ അവര്‍ക്ക് പലപ്പോഴും നാണക്കേടാണ്, എന്നാല്‍ പെണ്‍കുട്ടികള്‍ പറയുമ്പോള്‍ അവളത് ആസ്വദിച്ചെന്ന തരത്തില്‍ കുറ്റപ്പെടുത്തുകയുമാണ് ചെയ്യുന്നതെന്നും ചിന്മയി പറഞ്ഞു. തുറന്നു പറയാന്‍ ധൈര്യം കാണിച്ച് മുന്നോട്ടു വരുന്നവരെ പരിഹസിക്കുന്നത് നിര്‍ത്തണമെന്നും താരം പറഞ്ഞു.

English summary
singer chinmayi opens about sexual harassment

More News from this section

Subscribe by Email