Thursday December 13th, 2018 - 1:20:am
topbanner

മലയാളത്തില്‍ പടമില്ല; പക്ഷേ തമിഴില്‍ കൈനിറയെ പടങ്ങളുമായി രമ്യ നമ്പീശന്‍

JB
മലയാളത്തില്‍ പടമില്ല; പക്ഷേ തമിഴില്‍ കൈനിറയെ പടങ്ങളുമായി രമ്യ നമ്പീശന്‍

ഹൊറര്‍ ചിത്രം 'പിസ', 'സേതുപതി' എന്നീ ചിത്രങ്ങള്‍ക്ക് ശേഷം മലയാളി നടി രമ്യ നമ്പീശനും തമിഴ് ശെല്‍വന്‍ എന്നറിയപ്പെടുന്ന താരം വിജയ് സേതുപതിയും ഒന്നിക്കുന്ന ചിത്രമാണ് 'സീതക്കാത്തി'. നടുവിലെ കൊഞ്ചം പാക്കാത കാണോം എന്ന ഹിറ്റ് ചിത്രത്തിന് ശേഷം വിജയ് സേതുപതിയെ നായകനാക്കി സംവിധായകന്‍ ബാലാജി തരണീധരന്‍ ഒരുക്കുന്ന ചിത്രമാണ് ഇത്. ചിത്രത്തില്‍ വിജയ് സേതുപതി ഇരട്ട വേഷത്തിലാണെത്തുന്നത്. അതില്‍ ഒന്ന് വയോധികന്റെ വേഷപ്പകര്‍ച്ചയാണ് എന്നതാണ് ശ്രദ്ധേയം. ചിത്രത്തിനായി താരത്തിന്റെ അയ്യ എന്ന കഥാപാത്രമായുള്ള മേക്കോവര്‍ വീഡിയോ മുന്‍പ് വൈറലായിരുന്നു.

അഭിനയപ്രാധാന്യം ഏറെയുള്ള ചിത്രത്തില്‍ എണ്‍പതുകാരന്റെ വേഷമാണ് വിജയ്സേതുപതി അഭിനയിച്ചു പ്രതിഫലിപ്പിക്കുക. പ്രഖ്യാപനം മുതല്‍ ഏറെ ശ്രദ്ധപിടിച്ചുപറ്റിയ ചിത്രമാണ് ഇത്. കഥാപാത്രമായി ചായമിടാന്‍ നാല് മണിക്കൂറോളമാണ് വേണ്ടിവരുന്നതെന്ന് താരം വ്യക്തമാക്കിയിരുന്നു. മേക്കപ്പ് അഴിച്ചുമാറ്റാന്‍ ഒരു മണിക്കൂറും വേണ്ടി വന്നിരുന്നു. ദേശീയപുരസ്‌കാര ജേതാവായ അര്‍ചനയാണ് ചിത്രത്തിലെ നായിക. രമ്യാ നമ്പീശനൊപ്പം ചിത്രത്തില്‍ പാര്‍വതി നായറും ഗായത്രിയും സംവിധായകന്‍ മഹേന്ദ്രയും ചിത്രത്തില്‍ അഭിനയിക്കുന്നുണ്ട്.

പ്രോസ്തെറ്റിക് മേക്കപ്പാണ് താരം ചിത്രത്തില്‍ ഉപയോഗിച്ചിട്ടുള്ളത്. ഇതിന്റെ ഭാഗമായി വിജയ് സേതുപതിയും ബാലാജിയും അമേരിക്കയില്‍ പോവുകയും ചെയ്തിരുന്നു. ഓസ്‌കാര്‍ അവാര്‍ഡ് ജേതാക്കളായ കെവിന്‍ ഹാനെയും അലക്സ് നോബിളുമാണ് മേക്കപ്പ് നിര്‍വഹിച്ചിരിക്കുന്നത്. വിജയ് സേതുപതി ആദ്യമായാണ് ഒരു ചിത്രത്തില്‍ ഇരട്ടവേഷം ചെയ്യുന്നത്. പാഷണ്‍ സ്റ്റുഡിയോസ് ആണ് ചിത്രത്തിന്റെ നിര്‍മാണം.

 

Read more topics: rameya nambeeshan, act, in tamil,
English summary
rameya nambeeshan act in tamil
topbanner

More News from this section

Subscribe by Email