Saturday October 20th, 2018 - 10:52:pm
topbanner
Breaking News

'മത്സരിക്കാന്‍ താല്‍പ്പര്യവുമില്ല, ഏറ്റവും കൂടുതല്‍ പ്രതിഫലം വാങ്ങുന്ന താരമാകാനും താല്‍പ്പര്യമില്ല'; നിലപാട് വ്യക്തമാക്കി പൃഥ്വിരാജ്

JB
'മത്സരിക്കാന്‍ താല്‍പ്പര്യവുമില്ല, ഏറ്റവും കൂടുതല്‍ പ്രതിഫലം വാങ്ങുന്ന താരമാകാനും താല്‍പ്പര്യമില്ല'; നിലപാട് വ്യക്തമാക്കി പൃഥ്വിരാജ്

കൊച്ചി:എന്നും തന്റേതായ നിലപടുകള്‍ എവിടെയും തുറന്ന് പറയുന്നതില്‍ ഒരു മടിയും കാണിക്കാത്ത വ്യക്തിയാണ് പൃഥ്വിരാജ്.ആ നിലപാടുകള്‍ മൂലം മലയാള സിനിമയില്‍ നിരവധി ശത്രുക്കള്‍ താരത്തിന് ഉണ്ട്.ഇപ്പോള്‍ ഇതാ വീണ്ടും പുതിയ നിലപാട് വ്യക്തമാക്കിയിരിക്കുകയാണ് പൃഥ്വി.

താനോരു മത്സരത്തിന്റെ ഭാഗമല്ലെന്നും മത്സരിക്കാന്‍ താല്‍പ്പര്യമില്ലെന്നും,തനിക്ക് ഇഷ്ടപ്പെട്ട സിനിമകള്‍ ഇഷ്ടപ്പെട്ട രീതിയില്‍ ചെയ്യാന്‍ സാധിക്കണം എന്നാണ് തന്റെ ആഗ്രഹം എന്നും നടന്‍ പൃഥ്വിരാജ് . അല്ലാതെ നമ്പര്‍ വണ്‍ ആകണമെന്നോ ഏറ്റവും കൂടുതല്‍ പ്രതിഫലം വാങ്ങുന്ന താരമായോ മാറണമെന്ന് തനിക്ക് ആഗ്രഹമില്ലെന്ന് പൃഥ്വിരാജ് വ്യക്തമാക്കി.

പൃഥ്വിരാജിന്റ വാക്കുകള്‍.....

'എല്ലാ രീതിയിലുള്ള സിനിമകളും ട്രൈ ചെയ്യണം എന്നാണ് എന്റെ ഹൃദയം പറയുന്നത്. ചിലപ്പോള്‍ വിജയമാകും മറ്റു ചിലപ്പോള്‍ പരാജയമാകും. കൂടെ പോലുള്ള ചിത്രങ്ങള്‍ വിജയമാകും. രണം പോലുള്ള സിനിമകള്‍ വിജയിക്കില്ല. പത്ത് വര്‍ഷം കഴിഞ്ഞിട്ട് ഞാന്‍ ഇതൊന്നും ട്രൈ ചെയ്തില്ലല്ലോ എന്ന് വിചാരിച്ച് എനിക്ക് ഭയങ്കര സങ്കടമായിപ്പോകും. അതാണ് ഈ പ്രയാസമുള്ള വഴി എന്ന് നിങ്ങള്‍ക്ക് തോന്നുന്നുണ്ടെങ്കില്‍ എനിക്ക് ശരിക്കും അത് പ്രയാസമല്ല.'

'ഞാനൊരു മത്സരത്തിന്റെ ഭാഗമല്ല, മത്സരിക്കാന്‍ താല്‍പ്പര്യവുമില്ല. നമ്പര്‍ വണ്‍ ആകണമെന്നോ ഏറ്റവും കൂടുതല്‍ പ്രതിഫലം വാങ്ങുന്ന ആളാവണമെന്നോ ഇല്ല. ഇഷ്ടപ്പെട്ട സിനിമകള്‍ ഇഷ്ടപ്പെട്ട രീതിയില്‍ ചെയ്യാന്‍ ഒരു നടന്‍ എന്ന രീതിയില്‍ ഒരു താരം എന്ന രീതിയില്‍ എന്താണ് ഞാന്‍ ഇന്റസ്ട്രിയില്‍ ചെയ്യേണ്ടത് എന്ന് എനിക്ക് അറിയാം. അതു ഞാന്‍ ചെയ്യും. അതിന് അതിന്റേതായ പ്രശ്നങ്ങളുമുണ്ട്.'പൃഥ്വിരാജ് പറഞ്ഞു. റെഡ് എഫ് എം നടത്തിയ പൃഥ്വിരാജിന്റെ കൂടെ എന്ന പരിപാടിയില്‍ പങ്കെടുത്ത് സംസാരിക്കുകയായിരുന്നു താരം.

 

Read more topics: privthiraj, acting, career,
English summary
privthiraj new statement about acting and career
topbanner

More News from this section

Subscribe by Email