Friday April 26th, 2019 - 1:35:am
topbanner
topbanner

നയന്‍താര ചിത്രം 'ഐറ'യുടെ തെലുങ്ക് പതിപ്പിന്റെ ട്രെയിലര്‍ എത്തി

JB
 നയന്‍താര ചിത്രം 'ഐറ'യുടെ തെലുങ്ക് പതിപ്പിന്റെ ട്രെയിലര്‍ എത്തി

നയന്‍താര ഡബിള്‍ റോളില്‍ എത്തുന്ന ചിത്രമായ ഐറയുടെ തെലുങ്ക് പതിപ്പിന്റെ ട്രെയിലര്‍ പുറത്ത് വിട്ടു. ചിത്രത്തിന്റെ തമിഴ് പതിപ്പ് മൊഴിമാറ്റിയാണ് തെലുങ്കിലെത്തുന്നത്. ഒരു ഹൊറര്‍ ചിത്രമായിട്ടാണ് ഐറ ഒരുക്കുന്നത്. മുന്‍പ് നയന്‍താര നായികയായ മായ എന്ന ഹൊറര്‍ ചിത്രം വമ്പന്‍ ഹിറ്റാണ് സമ്മാനിച്ചിരുന്നത്.

സര്‍ജുന്‍ ആണ് ചിത്രം സംവിധാനം ചെയ്യുന്നത്. കെജിആര്‍ ആണ് ചിത്രം നിര്‍മിക്കുന്നത്. യോഗി ബാബു, പ്രവീണ്‍, ജയപ്രകാശ്, ലീലാവതി,ത്യാഗരാജന്‍, കുളപ്പുള്ളി ലീല എന്നിവരാണ് ചിത്രത്തിലെ മറ്റ് താരങ്ങള്‍. കെ എസ് സുന്ദരമൂര്‍ത്തിയാണ് ചിത്രത്തിന് സംഗീതം ഒരുക്കിയിരിക്കുന്നത്. ഞെട്ടിക്കുന്ന മേക്ക് ഓവറുമായാണ് ചിത്രത്തില്‍ നയന്‍താര എത്തുന്നത്. എച്ചരിക്കൈക്ക് ശേഷം സര്‍ജുന്‍ കെ.എം സംവിധാനം ചെയ്യുന്ന ചിത്രമാണിത്.

ചിത്രത്തിന്റെ പോസ്റ്ററുകളും ടീസറും ഏറെ വൈറലാണ്. ശ്രദ്ധേയ വേഷത്തില്‍ മലയാളനടി കുളപ്പുള്ളി ലീലയുമുണ്ടെന്നതാണ് പ്രത്യേകത. സുദര്‍ശന്‍ ശ്രീനിവാസനാണ് ചായാഗ്രഹണം നിര്‍വഹിക്കുന്നത്. ചിത്രത്തിന്റെ തിരക്കഥ പ്രിയങ്ക രവീന്ദ്രനാണ് നിര്‍വഹിച്ചിരിക്കുന്നത്. ഹൊറര്‍ ചിത്രമാണ് ഐറ എന്നാണ് ടീസറുകളും വീഡിയോ പ്രൊമോയും തരുന്ന സൂചന. നയന്‍താര മുമ്പ് അഭിനയിച്ച മായ,ഡോറ എന്നീ ഹൊറര്‍ ചിത്രങ്ങള്‍ സൂപ്പര്‍ ഹിറ്റായിരുന്നു. ഇതാദ്യമായാണ് നയന്‍താര ഇരട്ടവേഷത്തില്‍ അഭിനയിക്കുന്നത്. മാര്‍ച്ച് 28ന് ചിത്രം തീയേറ്ററുകളിലെത്തും.

Read more topics: ira, trailer released,
English summary
ira trailer released
topbanner

More News from this section

Subscribe by Email