Tuesday November 20th, 2018 - 7:48:pm
topbanner

പാര്‍വ്വതിയുടെ രാഷ്ട്രീയ നിലപാടുകള്‍ സത്യസന്ധമല്ലെന്ന് സനല്‍ കുമാര്‍ ശശിധരന്‍

sadu prakash
പാര്‍വ്വതിയുടെ രാഷ്ട്രീയ നിലപാടുകള്‍ സത്യസന്ധമല്ലെന്ന് സനല്‍ കുമാര്‍ ശശിധരന്‍

നടി പാര്‍വതിയുടെ രാഷ്ട്രീയ നിലപാടുകള്‍ സത്യസന്ധമല്ലെന്ന് സംവിധായകന്‍ സനല്‍ കുമാര്‍ ശശിധരന്‍. രാഷ്ട്രീയ നിലപാടെല്ലാം സത്യസന്ധമായിരുന്നെങ്കില്‍ ഗോവ ചലച്ചിത്രമേളയില്‍ സെക്സി ദുര്‍ഗയ്ക്ക് വേണ്ടി അവര്‍ സംസാരിക്കുമായിരുന്നു എന്ന് സനല്‍കുമാര്‍ പറഞ്ഞു. 

പുരസ്‌കാര വേദിയില്‍ ജൂറി തെരഞ്ഞെടുത്ത രണ്ട് സിനിമകളെ പുറത്താക്കിയതിനെതിരെ ഒരു വാചകം പാര്‍വതി പറഞ്ഞിരുന്നുവെങ്കില്‍ അവരുടെ രാഷ്ട്രീയ നിലപാട് ആത്മാര്‍ഥമായിരുന്നെന്ന് വിശ്വസിക്കാമായിരുന്നു എന്നും സനല്‍ കൂട്ടിച്ചേര്‍ത്തു. 

ശബാന ആസ്മിയുടെ കൂടെ നിര്‍ത്തിയാണ് പലരും പാര്‍വതിയെ കുറിച്ച് പറയുന്നത്. ചിലരുടെ പറച്ചില്‍ കേട്ടാല്‍ ഇത്രയും രാഷ്ട്രീയ നിലപാടുള്ള സ്ത്രീയെ ഇതിനു മുന്‍പ് കണ്ടിട്ടില്ലെന്ന് തോന്നും. വേദിയൊക്കെ കിട്ടിയാല്‍ കച്ചവട സിനിമയെ പ്രതിനിധാനം ചെയ്യുന്നവരൊക്കെ സെന്‍സേഷനലായി വലിയ വാചകമടിയൊക്കെ നടത്തും. ആരേയും നോവിക്കാത്ത ചില രാഷ്ട്രീയ പ്രസ്താവനകളുമുണ്ടാകുമെന്നും സനല്‍ ആരോപിച്ചു.

സനല്‍കുമാറിന്റെ ചിത്രത്തെ എസ് ദുര്‍ഗ എന്ന് അഭിസംബോധന ചെയ്യാന്‍ പാടില്ലെന്നും അതിനെ സെക്സി ദുര്‍ഗ എന്ന് തന്നെയാണ് വിളിക്കേണ്ടതെന്നും കഴിഞ്ഞ ദിവസം പാര്‍വതി പറഞ്ഞിരുന്നു.

 

English summary
director sanal kumar sasidaran criticize parvathy
topbanner

More News from this section

Subscribe by Email