Thursday August 16th, 2018 - 6:10:pm
topbanner

മോഹന്‍ലാല്‍ എന്ത് ദുഷ്ടത്തരമാണ് ചെയ്തതെന്ന് ഭാഗ്യലക്ഷ്മി

suji
മോഹന്‍ലാല്‍ എന്ത് ദുഷ്ടത്തരമാണ് ചെയ്തതെന്ന് ഭാഗ്യലക്ഷ്മി

ചലച്ചിത്ര പുരസ്‌കാര ചടങ്ങില്‍ നിന്ന് മോഹന്‍ലാലിനെ ഒഴിവാക്കണമന്ന ആവശ്യത്തിനെതിരെ തുറന്നടിച്ച് ഭാഗ്യലക്ഷ്മി. എന്ത് അടിസ്ഥാനത്തിലാണ് മോഹന്‍ലാലിനെ ഒഴിവാക്കണമെന്ന് ആവശ്യപ്പെടുന്നതെന്ന് മനസിലാകുന്നില്ല. മോഹന്‍ലാലിനെ ടാര്‍ഗറ്റ് ചെയ്യുന്നത് ശരിയല്ല. നമുക്കൊരു കാര്യം നേടിയെടുക്കാന്‍ നമ്മള്‍ പോരാടുകയാണ് ചെയ്യേണ്ടത്. മാറ്റി നിര്‍ത്തണമെന്ന ആവശ്യം മോഹന്‍ലാല്‍ എന്ന നടനോട് കാണിക്കുന്ന വിരോധമാണെന്നും ഭാഗ്യലക്ഷ്മി പറഞ്ഞു.

മുമ്പ് പലരും അമ്മയില്‍ പ്രസിഡന്റായും സെക്രട്ടറിയായും ഇരുന്നിട്ടുണ്ട്. അന്നൊന്നും ഈ ബോയ്‌കോട്ട് നീക്കം കണ്ടില്ല. പിന്നെ ഇപ്പോള്‍ മോഹന്‍ലാലിനെ മാത്രം ടാര്‍ഗറ്റ് ചെയ്യുന്നതിന്റെ അര്‍ത്ഥമെന്താണ്. മോഹന്‍ലാല്‍ എന്ത് ദുഷ്ടത്തരമാണ് ചെയ്തത്. അന്ന് സംഘടനയിലുണ്ടായിരുന്നവര്‍ക്കെതിരെ ആരും പ്രതിഷേധിച്ചില്ല. പിന്നീട് പെട്ടെന്ന് പ്രസിഡന്റ് സ്ഥാനത്തേക്ക് വന്ന വ്യക്തിയെ ടാര്‍ഗറ്റ് ചെയ്യുന്നതിനോട് എനിയ്ക്ക് യോജിക്കാനാകില്ല, ശക്തമായി എതിര്‍ക്കുന്നുവെന്നും ഭാഗ്യലക്ഷ്മി പറഞ്ഞു.

പ്രതികരിക്കേണ്ട സമയത്ത് പ്രതികരിച്ചില്ല. ഒടുവില്‍ മോഹന്‍ലാലിനെ മാത്രം ബോയ്‌കോട്ട് ചെയ്‌തേക്കാം എന്നത് ശരിയായ നടപടിയല്ല. ഇങ്ങനെയല്ല സംഘടനാ പ്രവര്‍ത്തനം നടത്തേണ്ടത്. മോഹന്‍ലാലിന് മാത്രമല്ല എല്ലാവര്‍ക്കും ഉത്തരവാദിത്വമുണ്ടെന്ന് ഭാഗ്യലക്ഷ്മി പറഞ്ഞു.

Read more topics: bagyalakshmi , mohanlal issue
English summary
bagyalakshmi share opinion mohanlal issue
topbanner

More News from this section

Subscribe by Email