Sunday February 17th, 2019 - 3:20:am
topbanner

ആ മൂന്നു വര്‍ഷം വേസ്റ്റായി; മരിക്കാനുള്ള മാര്‍ഗം പോലും ചിന്തിച്ചുവെന്ന് നടി സ്വാസിക

JB
ആ മൂന്നു വര്‍ഷം വേസ്റ്റായി; മരിക്കാനുള്ള മാര്‍ഗം പോലും ചിന്തിച്ചുവെന്ന് നടി സ്വാസിക

റിയാലിറ്റി ഷോയിലൂടെ എത്തി സിനിമകളിലൂടെയും മിനിസ്‌ക്രീനുകളിലൂടെയും ശ്രദ്ധേയയായ സ്വാസികയുടെ വെളിപ്പെടുത്തലുകളാണ് ഇപ്പോള്‍ സോഷ്യല്‍ മീഡിയയിലെ സംസാരവിഷയം. ജീവിതത്തിലെ ഒരു ഘട്ടത്തില്‍ നേരിട്ട പ്രതിസന്ധിയും മാനസിക വിഷമവും പങ്കുവെച്ചിരിക്കുകയാണ് നടി ഇപ്പോള്‍. സിനിമകള്‍ ഒന്നും ഇല്ലാതിരുന്ന ഒരു സമയത്ത് താന്‍ ആത്മഹത്യയെക്കുറിച്ച് വരെ ചിന്തിച്ചിട്ടിട്ടുണ്ടെന്ന് നടി വെളിപ്പെടുത്തി. പ്രമുഖ സ്ത്രീ സൗഹൃദ മാസികയായ വനിതയ്ക്ക് അനുവദിച്ച പ്രത്യേക അഭിമുഖത്തിലാണ് സ്വാസിക മനസ് തുറന്നത്.

എന്നത്തെയും ലക്ഷ്യം സിനിമയായിരുന്നു. അഭിനയിക്കണം, വലിയ നടിയായി അറിയപ്പെടണം എന്നായിരുന്നു ആഗ്രഹം. തമിഴ് സിനിമയിലാണ് തുടങ്ങിയത്. ഒരു മാഗസിനില്‍ വന്ന ചിത്രം കണ്ടാണ് 'വൈഗൈ' എന്ന സിനിമയിലേക്ക് നായികയായി എത്തുന്നത്. നായകനും സംവിധായകനും ഒക്കെ നവാഗതരായിരുന്നു. ചിത്രത്തിന് ഭേദപ്പെട്ട വിജയം നേടാനായി. തുടര്‍ന്ന് തമിഴില്‍ മൂന്നു സിനിമകളിലായി ശ്രദ്ധേയമായ വേഷങ്ങള്‍ ചെയ്യാനായി.

എന്നിട്ടും തുടര്‍ന്ന് കാര്യമായ അവസരങ്ങള്‍ തേടിയെത്തിയില്ല. പിന്നീട് മലയാളത്തില്‍ ചില വലിയ അവസരങ്ങള്‍ കിട്ടി. പ്രഭുവിന്റെ മക്കള്‍, അയാളും ഞാനും തമ്മില്‍ എന്നീ ചിത്രങ്ങളില്‍ നല്ല കഥാപാത്രങ്ങളാണ് ചെയ്തത്. സിനിമകളും ശ്രദ്ധേയമായിരുന്നു. എന്നാല്‍ അതിനു ശേഷം നല്ല അവസരങ്ങള്‍ ലഭിച്ചില്ല. തുടര്‍ന്നുള്ള മൂന്നു വര്‍ഷത്തോളം നല്ലൊരു സിനിമ പോലും കിട്ടാതെ വന്നതോടെ താന്‍ ഡിപ്രഷന്റെ വക്കിലായെന്നും സ്വാസിക പറഞ്ഞു.

പഠനം പോലും ഉപേക്ഷിച്ചാണ് അഭിനയ രംഗത്തേക്ക് എത്തിയത്. എന്നാല്‍ അതില്‍ ഒന്നും ആകാന്‍ സാധിക്കുന്നില്ല. എങ്ങനെയെങ്കിലും മരിക്കണം എന്ന ഒരേ തോന്നലായി. പെട്ടെന്നു മരിക്കാന്‍ എന്താണു മാര്‍ഗം എന്നൊക്കെ ആലോചിച്ചിട്ടുണ്ട്. നാളെ ഒരു വണ്ടി വന്നു തട്ടിയിരുന്നെങ്കില്‍ എന്നൊക്കെ മനസില്‍ തോന്നി. കൂട്ടുകാരൊക്കെ പഠനത്തിന്റെ തിരക്കിലാണ്, ചിലര്‍ ജോലിക്കു പോകുന്നു. ഞാന്‍ മാത്രം രാവിലെ എഴുന്നേറ്റ് വീട്ടില്‍ വെറുതെയിരിക്കുന്നു.

'പഠിക്കാന്‍ വിട്ടാല്‍ മതിയായിരുന്നു' സിനിമ വേണ്ടായിരുന്നു എന്ന് വീട്ടുകാരും പറഞ്ഞു തുടങ്ങി. എവിടെ നിന്നും കുത്തു വാക്കുകള്‍. ആരുടെയും മുഖത്തു നോക്കാനാകുന്നില്ല. യോഗ-മെഡിറ്റേഷന്‍ ആരംഭിച്ചാണ് പതിയെ പതിയെ സാധാരണ ജീവിതത്തിലേക്കു മടങ്ങി വന്നത്. ആ മൂന്നു വര്‍ഷം വേസ്റ്റായി എന്നു പറയാം.

ആ സമയത്താണ് 'ദത്തുപുത്രി' എന്ന സീരിയലിലേക്കു വിളി ലഭിക്കുന്നത്. മൂന്നു വര്‍ഷം കാത്തിരുന്നിട്ടും ഒന്നുമാകാന്‍ സാധിച്ചില്ല. എവിടെയാണു പിടിച്ചു കയറാനാകുക എന്നറിയില്ലല്ലോ. അങ്ങനെയാണ് സീരിയല്‍ തെരഞ്ഞെടുക്കുന്നത്. അതിനു ശേഷം സീരിയല്‍ മാത്രമായി. നീണ്ട ഇടവേളയ്ക്കു ശേഷമാണ് 'കട്ടപ്പനയിലെ ഹൃത്വിക് റോഷനും' 'സ്വര്‍ണ്ണക്കടുവയും' ചെയ്യാനായത്. ഇപ്പോള്‍ ഞാന്‍ വളരെ സന്തോഷവതിയാണ്.

 

 

Viral News

English summary
acteress swasthika taking about bad situation
topbanner

More News from this section

Subscribe by Email