Tuesday May 21st, 2019 - 9:00:pm
topbanner
topbanner

ആഷിഖ് അബു ചിത്രം 'വൈറസി'ന്റെ ട്രെയിലര്‍ നാളെ എത്തും

JB
ആഷിഖ് അബു  ചിത്രം 'വൈറസി'ന്റെ ട്രെയിലര്‍ നാളെ എത്തും

സിനിമാ പ്രേമികള്‍ ഏറെ ആകാംക്ഷയോടെ കാത്തിരിക്കുന്ന ചിത്രമായ വൈറസിന്റെ ട്രെയിലര്‍ നാളെ പുറത്ത് വിടും. ഖത്തറില്‍ വെച്ചാണ് ട്രെയിലര്‍ ആരാധകരിലേക്ക് എത്തിക്കുന്നത്. ദോഹയിലെ സ്‌പോര്‍ട്‌സ് സ്റ്റേഡിയത്തില്‍ നാളെ നടക്കുന്ന ചടങ്ങില്‍ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചവരും ചിത്രത്തിന്റെ പ്രധാന അണിയറപ്രവര്‍ത്തകരും പങ്കെടുക്കുമെന്നാണ് വിവരം.

കേരളത്തില്‍ ഭീതി വിതറിയ നിപ പശ്ചാത്തലമാക്കി ആഷിഖ് അബു ഒരുക്കിയ ചിത്രമാണ് 'വൈറസ്'. രാജീവ് രവിയാണ് ക്യാമറ. സുഡാനി ഫ്രം നൈജീരിയ സംവിധായകന്‍ സക്കറിയയും, സുഹാസ് ഷറഫുമാണ് തിരക്കഥയൊരുക്കിയിരിക്കുന്നത്. സുഷിന്‍ ശ്യാമാണ് സംഗീതം .

രേവതി, ആസിഫ് അലി, ടോവിനോ തോമസ്, റിമ കല്ലിങ്കല്‍, ശ്രീനാഥ് ഭാസി, പാര്‍വതി, രമ്യാ നമ്പീശന്‍, സൗബിന്‍ ഷാഹിര്‍, ദിലീഷ് പോത്തന്‍, ചെമ്പന്‍ വിനോദ്, കുഞ്ചാക്കോ ബോബന്‍ തുടങ്ങിയവരെല്ലാം ചിത്രത്തിന്റെ ഭാഗമാകുന്നുണ്ട്. അതിഥി വേഷത്തില്‍ ഫഹദ് ഫാസിലും ചിത്രത്തിലുണ്ടാകുമെന്നാണ് വിവരം. മായാനദിയുടെ വിജയത്തിന് ശേഷം ആഷിക്ക് അബു ഒരുക്കുന്ന ചിത്രം കൂടിയാണ് ഇത്. ഒപിഎം പ്രൊഡക്ഷന്‍സിന്റെ ബാനറില്‍ ആഷിഖ് അബുവും റിമ കല്ലിങ്കലും ചേര്‍ന്നാണ് നിര്‍മ്മാണം.

നിപ്പാ വൈറസിനെ കേരളം പ്രതിരോധിച്ചതിന്റെ യഥാര്‍ത്ഥ സംഭവങ്ങളെയാണ് ചിത്രത്തിന്റെ പ്രമേയമാകുന്നത്. 'മായാനദി'യുടെ വിജയത്തിന് ശേഷം ആഷിക്ക് അബു ഒരുക്കുന്ന ചിത്രം കൂടിയാണ് ഇത്. ഒരു റിയല്‍ മാസ് സ്റ്റോറിയാകും വൈറസ് എന്നാണ് ആഷിഖ് അബു വ്യക്തമാക്കിയിട്ടുള്ളത്. വൈറസ് ബാധയേറ്റ രോഗികളെ ചികിത്സിക്കുന്നതിനിടയില്‍ ജീവന്‍ പൊലിഞ്ഞ നേഴ്സ് ലിനിയുടെ ജീവിതവും ചിത്രത്തില്‍ പ്രമേയമാകും. റിമയാണ് ഈ വേഷം കൈകാര്യം ചെയ്യുന്നത്. ആരോഗ്യമന്ത്രിയുടെ വേഷമാണ് രേവതി ചെയ്യുന്നത്. അതേസമയം കോഴിക്കോട് കളക്ടറുടെ വേഷത്തില്‍ ടൊവിനോ എത്തും.

 

English summary
VIRUS FILM TRAILER LOANCH TOMORROW
topbanner

More News from this section

Subscribe by Email