topbanner
Sunday July 23rd, 2017 - 4:23:pm
topbanner

ഷാരൂഖ് ഖാന്റെ റഹീസ് പ്രദര്‍ശിപ്പിച്ചാല്‍ ഭവിഷ്യത്ത് അനുഭവിക്കേണ്ടിവരുമെന്ന് ശിവസേന

RAJANI
ഷാരൂഖ് ഖാന്റെ റഹീസ് പ്രദര്‍ശിപ്പിച്ചാല്‍ ഭവിഷ്യത്ത് അനുഭവിക്കേണ്ടിവരുമെന്ന് ശിവസേന

ഷാരൂഖ് ഖാന്റെ പുതിയ ചിത്രമായ റഹീസ് പ്രദര്‍ശിപ്പിക്കരുതെന്ന് ശിവസേനയുടെ ഭീഷണി. ഛത്തീസ്ഗഡിലെ തിയേറ്റര്‍ ഉടമകള്‍ക്കാണ് ശിവസേന കത്ത് നല്‍കിയത്. ചിത്രം പ്രദര്‍ശിപ്പിച്ചാല്‍ ഭവിഷ്യത്ത് അനുഭവിക്കേണ്ടി വരുമെന്നും കത്തില്‍ പറയുന്നു.

ബോളിവുഡിലെ പ്രമുഖ വിതരണക്കാരനായ അക്ഷയ് റാതിയാണ് ശിവസേനയുടെ ഭീഷണിക്കത്ത് ട്വിറ്ററില്‍ പോസ്റ്റ് ചെയ്തത്. ജനുവരി 25ന് റിലീസ് ചെയ്യാനിരിക്കുന്ന ചിത്രത്തിന്റെ പ്രദര്‍ശനം നടത്തരുതെന്നാണ് ഛത്തീസ്ഗഡ് ശിവസേന തിയേറ്ററുകള്‍ക്ക് നല്‍കിയ കത്തിന്റെ ഉള്ളടക്കം.

ദേശദ്രോഹിയുടെ ചിത്രം പ്രദര്‍ശിപ്പിക്കരുതെന്നും പ്രദര്‍ശിപ്പിച്ചാല്‍ നടപടിയുണ്ടാകുമെന്നും കത്തില്‍ ഭീഷണിയുണ്ട്. ഛത്തീസ്ഗഡിലെ ശിവസേന തലവന്‍ രാകേഷ് ഷിന്‍ഡെയാണ് കത്തില്‍ ഒപ്പിട്ടിരിക്കുന്നത്.

സിനിമക്കെതിരെ ഭീഷണി ഉയര്‍ത്തുന്നതിന്റെ കാരണം എന്താണെന്ന് വ്യക്തമല്ല. സിനിമയിലെ നായികയായെത്തുന്നത് പാകിസ്താന്‍ താരം മാഹിറ ഖാനാണ്. ഇതാണ് ശിവസേനയെ പ്രകോപിപ്പിച്ചതെന്നാണ് വിവരം. സംഭവത്തില്‍ ശിവസേന ഇതുവരെ പ്രതികരിച്ചിട്ടില്ല.

Read more topics: Shiv, Sena, Shah, Rukh, Khan, film, banned
English summary
Shiv Sena wants Shah Rukh Khan film banned in Chhattisgarh
topbanner topbanner

More News from this section

Subscribe by Email