topbanner
Monday December 11th, 2017 - 7:51:am
topbanner
topbanner

ജൂലി 2വിന്റെ പരാജയ കാരണം തുറന്ന് പറഞ്ഞ് റായി ലക്ഷ്മി

sadu prakash
ജൂലി 2വിന്റെ പരാജയ കാരണം തുറന്ന് പറഞ്ഞ് റായി ലക്ഷ്മി

ജൂലി 2 ബോക്‌സ് ഓഫീസില്‍ പരാജയപ്പെടാനുള്ള കാരണം തുറന്ന് പറഞ്ഞ് തെന്നിന്ത്യന്‍ സുന്ദരി റായി ലക്ഷ്മി. ലൈംഗികതയുടെ അതിപ്രസരമുള്ള സിനിമയാണ് ജൂലി 2 എന്ന തോന്നല്‍ പ്രേക്ഷകരില്‍ ഉണ്ടായതാണ് ചിത്രം പരാജയമാകാന്‍ കാരണമായതെന്ന് റായി ലക്ഷ്മി പറയുന്നു.

'ട്രെയിലറും ടീസറും കണ്ട ചില പ്രേക്ഷകര്‍ സെക്സ് രംഗങ്ങള്‍ പ്രതീക്ഷിച്ചാണ് തിയറ്ററുകളിലേക്കെത്തിയത്. എന്നാല്‍ അത്തരത്തിലുള്ള യാതൊന്നും സിനിമയിലില്ല. ആ തരത്തിലാണ് സംവിധായകനും നിര്‍മാതാവും സിനിമയുടെ പ്രമോഷന്‍ നടത്തിയത്. സിനിമയുടെ ആദ്യ ടീസര്‍ ഓര്‍മയില്ലേ?. സെക്സ് സിനിമയെന്ന തരത്തില്‍ ജൂലി2 പ്രമോട്ട് ചെയ്യരുതെന്ന തരത്തിലുള്ള നിര്‍ദേശം അന്നേ താന്‍ നല്‍കിയിരുന്നുവെന്നും റായി ലക്ഷ്മി പറയുന്നു.

സിനിമയ്ക്ക് ആദ്യ ആഴ്ച ലഭിച്ചത് രണ്ടര കോടി കലക്ഷനാണ്. വലിയ മുതല്‍മുടക്കില്‍ ഒരുക്കിയ സിനിമയ്ക്ക് ഇതുവരെയും മുടക്കിയ തുകയുടെ പകുതി പോലും തിരിച്ച് ലഭിച്ചിട്ടില്ല. ജൂലി2 പരാജയപ്പെട്ടതില്‍ തനിക്ക് നിരാശയില്ലെന്ന് റായി ലക്ഷ്മി പറയുന്നു. ഇതൊരു പാഠമായി എടുക്കാനാണ് താന്‍ ഉദ്ദേശിക്കുന്നതെന്നും താരം വ്യക്തമാക്കി.

അതേസമയം ജൂലി2 പരാജയമാണെന്ന് സംവിധായകന്‍ ദീപക് ശിവദാസനി തന്നെ തുറന്ന് സമ്മതിച്ചിരുന്നു. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം വെളിപ്പെടുത്തിയത്. പക്ഷേ ആ പോസ്റ്റ് വലിയ ചര്‍ച്ചയായതോടെ രണ്ട് മണിക്കൂറിനകം അദ്ദേഹം അത് നീക്കം ചെയ്യുകയും ചെയ്തു.

 

English summary
Rai lakshmi reveal the reason to failure of julie2
topbanner topbanner

More News from this section

Subscribe by Email