Friday November 16th, 2018 - 7:25:pm
topbanner

ആരാധികമാര്‍ക്ക് നിരാശരാകാം; പ്രഭാസിന്റെ വിവാഹം ഈ വര്‍ഷം തന്നെ

suji
ആരാധികമാര്‍ക്ക് നിരാശരാകാം; പ്രഭാസിന്റെ വിവാഹം ഈ വര്‍ഷം തന്നെ

ബാഹുബലി താരം പ്രഭാസ് ഇന്ന് ഇന്ത്യന്‍ സിനിമയിലെ മുഖ്യ താരങ്ങളില്‍ ഒരാളായി മാറിക്കഴിഞ്ഞു. ഇതോടെ താരത്തിന്റെ വിവാഹത്തെക്കുറിച്ചുള്ള ഗോസിപ്പുകള്‍ സ്ഥിരമായി പുറത്തുവന്ന് തുടങ്ങി. എന്നാല്‍ ഇതേക്കുറിച്ച് മനസ്സ് തുറക്കാന്‍ പ്രഭാസ് ഒരിക്കലും തയ്യാറായിരുന്നില്ല. പ്രണയത്തെക്കുറിച്ചുള്ള ചോദ്യങ്ങള്‍ക്ക് ചിരി മാത്രമാണ് മറുപടി.

എന്തായാലും ആ ചോദ്യങ്ങള്‍ക്ക് ഈ വര്‍ഷം മറുപടി തന്നെ ലഭിക്കുമെന്നാണ് റിപ്പോര്‍ട്ട്. പ്രഭാസിന്റെ അമ്മാവന്‍ കൃഷ്ണം രാജുവാണ് വിവാഹം ഈ വര്‍ഷം നടക്കുമെന്ന് വ്യക്തമാക്കിയത്. തെലുങ്ക് സിനിമയിലെ പ്രമുഖ താരം കൂടിയാണ് രാജു. ഇദ്ദേഹത്തിന്റെ പിറന്നാള്‍ ആഘോഷത്തിനിടെയും അനന്തിരവന്റെ വിവാഹത്തെക്കുറിച്ച് ചോദ്യം ഉയര്‍ന്നു.

എല്ലാ അഭിമുഖങ്ങളിലും ഈ ചോദ്യത്തിന് മറുപടി പറയുന്നത് നാണക്കേടായി മാറിയിരിക്കുകയാണ്, എന്തായാലും പ്രഭാസിന്റെ വിവാഹം ഈ വര്‍ഷം നടക്കും, കൃഷ്ണം രാജു വ്യക്തമാക്കി. അമ്മാവന്‍ പറഞ്ഞ കാര്യത്തില്‍ എന്തെങ്കിലും സ്ഥിരീകരണത്തിന് പ്രഭാസ് തയ്യാറായിട്ടില്ല.

 

 

English summary
Prabhas to get married this year, says his uncle Krishnam Raju
topbanner

More News from this section

Subscribe by Email