Friday February 22nd, 2019 - 9:59:am
topbanner

മലബാറിന്റെ ചരിത്രവുമായി ഡോക്യുമെന്ററി ഫിലിം 'തരിയോട്'

princy
മലബാറിന്റെ ചരിത്രവുമായി ഡോക്യുമെന്ററി ഫിലിം 'തരിയോട്'

ചരിത്രശേഷിപ്പുകളേറെയുള്ള മലബാറിലെ അതിപുരാതന നഗരങ്ങളിലൊന്നായ വയനാട്ടിലെ തരിയോടിന്റെ ചരിത്രം പറയുന്ന "തരിയോട്" എന്ന ഡോക്യുമെന്ററി ഫിലിം അണിയറയിൽ പുരോഗമിക്കുന്നു.പതിനെട്ടാം നൂറ്റാണ്ടിൽ തരിയോടിലും മലബാറിലെ മറ്റു ചില പ്രദേശങ്ങളിലും നടത്തിയിരുന്ന സ്വർണ്ണ ഖനനത്തിന്റെ ചരിത്രവും, ഖനനത്തിന്റെ ഇന്നത്തെ സാധ്യതകളുമാണ് ഈ ചരിത്ര ഡോക്യുമെന്ററി ചിത്രത്തിന്റെ ഉള്ളടക്കം.

കൂടാതെ സ്വർണ്ണ ഖനനം നാടിന്റെ വികസനത്തെ എങ്ങനെ സ്വാധീനിച്ചുവെന്നും ഖനന പ്രവർത്തനങ്ങൾ പ്രകൃതിയിലുണ്ടാക്കിയ മാറ്റങ്ങളും ഈ ചിത്രത്തിലൂടെ ചർച്ച ചെയ്യുന്നുണ്ട്.ഒരുപറ്റം യുവാക്കളാണ് ഈ ഡോക്യുമെന്ററി ചിത്രത്തിന്റെ അണിയറയിലുള്ളത്. കാസബ്ളാങ്കാ ഫിലിം ഫാക്ടറിയുടെ ബാനറിൽ നിർമ്മിക്കുന്ന ചിത്രത്തിന്റെ രചനയും സംവിധാനവും നിർവ്വഹിക്കുന്നത് നിർമൽ ബേബി വർഗീസാണ്.

അശ്വിൻ ശ്രീനിവാസൻ, ഷാൽവിൻ കെ പോൾ, മിഥുൻ ഇരവിൽ, ഷോബിൻ ഫ്രാൻസിസ് തുടങ്ങിയവരാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. ചിത്രത്തിന്റെ ടീസർ പോസ്റ്റർ പുറത്തിറക്കിയിട്ടുണ്ട്.അഞ്ചു വർഷത്തെ അന്വേഷണ-പഠനങ്ങൾക്കൊടുവിലാണ് ചിത്രത്തിന്റെ തിരക്കഥ പൂർത്തീകരിച്ചിരിക്കുന്നത്. വായനാടാണ് ചിത്രത്തിന്റെ പ്രധാന ലൊക്കേഷൻ. കൂടാതെ മലപ്പുറം, നീലഗിരി തുടങ്ങിയ സ്ഥലങ്ങളിലുമായി ഉടൻ ചിത്രീകരണം പൂർത്തിയാകും. ചില ദേശീയ-അന്തർദേശീയ ചലച്ചിത്ര മേളകളിലൂടെ ചിത്രം റിലീസ് ചെയ്യാനാകുമെന്നാണ് അണിയറ പ്രവർത്തകർ പ്രതീക്ഷിക്കുന്നത്.

Viral News

Read more topics: kerala, Documentary, film, Thariyod
English summary
Documentary film 'Thariyod' discussing the history of Malabar
topbanner

More News from this section

Subscribe by Email