Wednesday April 24th, 2019 - 1:39:am
topbanner
topbanner

കപില്‍ ദേവായി രണ്‍വീര്‍; 83 ഫസ്റ്റ് ലുക്ക് പോസ്റ്റര്‍ എത്തി

JB
കപില്‍ ദേവായി രണ്‍വീര്‍; 83 ഫസ്റ്റ് ലുക്ക് പോസ്റ്റര്‍ എത്തി

ഇന്ത്യ കണ്ട ഏറ്റവും മികച്ച ഓള്‍റൗണ്ടറും ഇന്ത്യന്‍ ക്രിക്കറ്റ് ടീം മുന്‍ നായകനുമായ കപില്‍ ദേവിന്റെ ജീവിതം സിനിമയാകുന്നു. അദ്ദേഹത്തിന്റെ ജീവിതം ആസ്പദമാക്കി ഒരുക്കുന്ന '83' ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറക്കിയിരിക്കുകയാണ് ചിത്രത്തിന്റെ അണിയറപ്രവര്‍ത്തകര്‍. ചിത്രത്തില്‍ കപിലിന്റെ വേഷം കൈകാര്യം ചെയ്യുന്ന രണ്‍വീര്‍ സിങ്ങാണ് സാമൂഹ്യ മാധ്യമങ്ങളിലൂടെ പോസ്റ്റര്‍ പുറത്തിറക്കിയിരിക്കുന്നത്.

ചുരുങ്ങിയ സമയത്തിനുള്ളില്‍ വന്‍ സ്വീകാര്യതയാണ് പോസ്റ്ററിന് ലഭിച്ചത്. ഇന്ത്യന്‍ ക്രിക്കറ്റിന്റെ തലവര മാറ്റിയ 1983ലെ ലോകകപ്പ് വിജയത്തെ ചുറ്റിപ്പറ്റിയാണ് '83' ന്റെ പ്രമേയം. 2020 ഏപ്രില്‍ 10ന് പുറത്തിറങ്ങുന്ന ചിത്രം കബീര്‍ ഖാനാണ് സംവിധാനം നിര്‍വ്വഹിക്കുന്നത് . ഇന്ത്യയുടെ മുന്‍ ക്യാപ്റ്റനും ഓപ്പണിങ് ബാറ്റ്സ്മാനുമായ കൃഷ്ണമാചാരി ശ്രീകാന്തായി തമിഴ് നടന്‍ ജീവ വേഷമിടുന്നു. ശ്രീകാന്തിനെ അവതരിപ്പിക്കാനായി ജീവ ഏഴ് കിലോയോളം ഭാരം കുറച്ചത് ഏറെ വാര്‍ത്തയായിരുന്നു.

ചിരാഗ് പാട്ടീല്‍, ഹാര്‍ദി സന്ധു, ആമി വിര്‍ക്ക്, പങ്കജ് ത്രിപാഠി, സര്‍താജ് സിങ്, താഹിര്‍ രാജ് ബാസിന്‍, സാക്യുബ് സലിം എന്നിവരാണ് മറ്റ് പ്രധാന വേഷങ്ങളിലെത്തുന്നത്. കഥാപാത്രങ്ങളുടെ പൂര്‍ണതയ്ക്കായി ധര്‍മ്മശാലയില്‍ ക്രിക്കറ്റ് പരിശീലനത്തില്‍ ഏര്‍പ്പെട്ടിരിക്കുകയാണ് ഇപ്പോള്‍ താരങ്ങള്‍.
ക്രിക്കറ്റ് ലോകത്തെ അതികായന്‍മാരായിരുന്ന വെസ്റ്റ് ഇന്‍ഡീസിനെ തകര്‍ത്തുകൊണ്ട് 83-യില്‍ ഇന്ത്യ ജേതാക്കളായ ചരിത്രമാണ് സിനിമയുടെ പ്രധാനവിഷയം. 2020-ലായിരിക്കും ചിത്രമിറങ്ങുന്നത്.

 

English summary
83 film first look poster released
topbanner

More News from this section

Subscribe by Email