topbanner
Friday April 28th, 2017 - 3:35:pm
topbanner

വിവാഹമോചനത്തിന് കാരണമായേക്കാവുന്ന ചില കാര്യങ്ങള്‍

Jikku Joseph
വിവാഹമോചനത്തിന് കാരണമായേക്കാവുന്ന ചില കാര്യങ്ങള്‍

വിവാഹമോചനക്കേസുകളുടെ കാര്യത്തില്‍ ദിനം പ്രതി വന്‍ വര്‍ധനവാണ് ഉണ്ടായിക്കൊണ്ടിരിക്കുന്നത്. പരസ്പരം മനസിലാക്കി ജീവിക്കാന്‍ പറ്റാതെ വിവാഹമോചനത്തില്‍ എത്തുന്ന കുടുംബങ്ങളാണ് ഇപ്പോള്‍ ഇതില്‍ ഏറിയ പങ്കും. എന്നാല്‍ വിവാഹമോചനങ്ങള്‍ നശിപ്പിക്കുന്നത് പല കുട്ടികളുടെയും ജീവിതമാണ്. ചെറിയ കാര്യങ്ങള്‍ക്കാണ് ഇവിടെ പ്രശ്‌നങ്ങള്‍ നടക്കുന്നത്. എന്നാല്‍ ചില കാര്യങ്ങള്‍ ശ്രദ്ധിച്ചാല്‍ വിവാഹമോചനത്തിന്റെ എണ്ണം കുറയ്ക്കാന്‍ സാധിക്കും. ഏതൊക്കെയെന്ന് ഒന്നു വിലയിരിത്തി നോക്കാം.

1. മൂടിവെച്ച സ്വത്ത് വകകള്‍
ദമ്പതികളില്‍ ഒരാള്‍ക്ക് പങ്കാളി അറിയാത്ത സ്വത്തും വരുമാനവും ഉണ്ടെങ്കില്‍ അത് വിവാഹജീവിതത്തില്‍ താളപ്പിഴകള്‍ സൃഷ്ടിക്കുകയും, വിവാഹമോചനത്തിലേക്ക് പ്രശ്‌നങ്ങള്‍ എത്തിക്കുകയും ചെയ്യും. എന്നാല്‍ മിക്കവരും ഇക്കാര്യം ബന്ധുക്കളോടോ സുഹൃത്തുക്കളോടോ പറയാന്‍ തയ്യാറാകില്ല.

2. അവിഹിതബന്ധം
പങ്കാളിയുടെ അവിഹിതബന്ധം കണ്ടുപിടിക്കുന്നതും വിവാഹമോചനത്തിലേക്കുള്ള വഴി തെളിക്കും. എന്നാല്‍ ഈ വിവരം അധികമാരോടും പറയാതെ മറച്ചുവെക്കാനും ദമ്പതികള്‍ ശ്രമിക്കുംകയും ചെയ്യുന്നുവെന്നതാണ് മറ്റൊരു വസ്തുത.

3. ലൈംഗികത
ലൈംഗികബന്ധത്തിലെ താളപ്പിഴകളും വിവാഹമോചനത്തിന് കാരണമാകും. പങ്കാളിയില്‍ ആരെങ്കിലും ലൈംഗികബന്ധത്തിന് വിമുഖത കാട്ടുന്നതും, പ്രകൃതിവിരുദ്ധമായതരത്തിലുള്ള ബന്ധത്തിന് നിര്‍ബന്ധിക്കുന്നതുമൊക്കെ ബന്ധം ഉലയ്ക്കാന്‍ കാരണമാകും.

4. തെറ്റായ സ്വത്ത് വിവരം
വന്‍ സ്വത്ത് ഉണ്ടെന്ന് തെറ്റിദ്ധരിപ്പിച്ച് ചിലര്‍ വിവാഹം കഴിക്കും. എന്നാല്‍ വിവാഹശേഷമായിരിക്കും പങ്കാളി തട്ടിപ്പ് മനസിലാക്കുക. ഇതും വിവാഹമോചനത്തിലേക്ക് എത്തിക്കും.

5. കുടുംബത്തെക്കുറിച്ച് തെറ്റായ വിവരം
വലിയ കുടുംബ പാരമ്പര്യം അവകാശപ്പെട്ട് ചിലര്‍ വിവാഹം കഴിക്കും. എന്നാല്‍ പിന്നീട് ഇത് തെറ്റാണെന്ന് പങ്കാളി മനസിലാക്കുന്നതും വിവാഹമോചനത്തിന് കാരണമാകും.

6. വന്‍ കടബാധ്യത
വന്‍ കടബാധ്യതയുണ്ടാകുന്ന വിവരം പങ്കാളി മറച്ചുവെക്കുന്നത് വിവാഹമോചനത്തിന് കാരണമാകാറുണ്ട്. ആഡംബരജീവിതവും അനാവശ്യചെലവുകളുമാണ് കടക്കെണിക്ക് കാരണമാകുന്നത്. ഇത് ചിലരെയെങ്കിലും വിവാഹമോചനത്തിലേക്ക് എത്തിക്കുമെന്നാണ് പഠനങ്ങള്‍ സൂചിപ്പിക്കുന്നത്.

English summary
some facts behind divorce