topbanner
Thursday August 17th, 2017 - 10:57:pm
topbanner

കൊച്ചി; കണ്ണടച്ചുനിന്നാല്‍ സമ്മാനം തരാമെന്ന് പറഞ്ഞ് കുത്തി; കാമുകന്‍ കൊലപ്പെടുത്തിയത് ഭര്‍തൃമതിയെ

NewsDesk
കൊച്ചി; കണ്ണടച്ചുനിന്നാല്‍ സമ്മാനം തരാമെന്ന് പറഞ്ഞ് കുത്തി; കാമുകന്‍ കൊലപ്പെടുത്തിയത് ഭര്‍തൃമതിയെ

കൊച്ചി: കഴിഞ്ഞദിവസം ചെറായി ബീച്ചില്‍ യുവതിയെ പട്ടാപ്പകല്‍ കാമുകന്‍ കുത്തിക്കൊന്നത് സംശയത്തിന്റെ പേരിലെന്ന് പ്രതി പോലീസിനോട് സമ്മതിച്ചു. കൊല്ലപ്പെട്ട വരാപ്പുഴ മുട്ടിനകം നടുവത്തുശേരി ഉദയകുമാറിന്റെ മകള്‍ ശീതളു(29)മായി പ്രണയത്തിലായിരുന്നു പ്രതി.

കോട്ടയം കറുകച്ചാല്‍ നെടുങ്കുന്നം പാറത്തോട്ടത്തില്‍ പ്രശാന്ത്(28) ആണ് സംഭവത്തില്‍ പോലീസ് പിടിയിലായത്. യുവതിയുടെ ശരീരത്തില്‍ ആറ് കുത്തുകളേറ്റിട്ടുണ്ട്. യുവതിയുടെ വീടിന്റെ മുകളില്‍ വാടകയ്ക്കു താമസിക്കുകയായിരുന്നു കേബിള്‍ ടിവി ഓപ്പറേറ്ററായ പ്രശാന്ത്.

വെള്ളിയാഴ്ച രാവിലെ 11 ആയിരുന്നു നാടിനെ നടുക്കിയ സംഭവം. ഒരു സമ്മാനം നല്‍കാനുണ്ടെന്നും കണ്ണടച്ച് നില്‍ക്കാന്‍ പ്രശാന്ത് ശീതളിനോടു ആവശ്യപ്പെട്ടു.

കണ്ണടച്ച് നില്‍ക്കുമ്പോഴാണു കത്തികൊണ്ടു കുത്തിയത്. പെരുമ്പാവൂര്‍ സ്വദേശിയായ ഭര്‍ത്താവ് രഞ്ജിത്തുമായി പിരിഞ്ഞുകഴിയുന്ന ശീതള്‍, പ്രശാന്തുമായി പ്രണയത്തിലായിരുന്നു. ഇതിനിടെ മറ്റൊരാളുമായി അടുപ്പമുണ്ടെന്ന് പ്രശാന്തിനു ശീതളിലുണ്ടായ സംശയമാണു കൊലപാതകത്തില്‍ കലാശിച്ചത്.

കൊല നടത്താന്‍ പ്രശാന്ത് ഒരാഴ്ചയായി പദ്ധതികള്‍ മെനയുകയായിരുന്നു. ഇന്നലെയായിരുന്നു കൊലപാതകത്തിനായി ചെറായി ബീച്ച് തെരഞ്ഞെടുത്തത്. വരാപ്പുഴയില്‍ നിന്ന് ഇതിനായി പ്രശാന്ത് കത്തി വാങ്ങി സൂക്ഷിച്ചിരുന്നു.

രാവിലെ ഒരുമിച്ചെത്തിയ ഇവര്‍ ചെറായി ഗൗരീശ്വരക്ഷേത്രത്തില്‍ തൊഴുതതിനു ശേഷമാണ് 10നു ബീച്ചില്‍ എത്തിയത്. അതിന് ശേഷമായിരുന്നു കണ്ണടച്ചു നില്‍ക്കാന്‍ ആവശ്യപ്പെട്ടതും കാമുകിയെ കുത്തിയതും.

അടുത്തുള്ള ചെറായി ബീച്ച് റിസോര്‍ട്ടിലേക്ക് രക്തം വാര്‍ന്നനിലയില്‍ ഓടിക്കയറിയ യുവതി കുഴഞ്ഞുവീഴുകയായിരുന്നു. റിസോര്‍ട്ട് അധികൃതര്‍ പോലീസില്‍ വിവരം അറിയിച്ച് പറവൂരിലെ സ്വകാര്യ ആശുപത്രിയില്‍ എത്തിക്കുകയായിരുന്നു. അവിടെ നിന്നു വിദഗ്ധ ചികിത്സക്കായി എറണാകുളത്തെ ആശുപത്രിയില്‍ എത്തിക്കുന്നതിനിടയിലാണു മരിച്ചത്. പോലീസിന്റെ ചോദ്യം ചെയ്യലില്‍ പ്രതി കുറ്റം സമ്മതിച്ചു.

ബീച്ചിലെ കരിങ്കല്‍ ചിറയില്‍വച്ചു സമ്മാനം നല്‍കാനായി കണ്ണടച്ചു നില്‍ക്കാന്‍ പ്രശാന്ത് ആവശ്യപ്പെട്ടു. ഈസമയം പ്രശാന്ത് കത്തികൊണ്ട് കുത്താന്‍ തുനിഞ്ഞെങ്കിലും ആദ്യം കുത്തിയില്ല. പിന്നീടാണ് ധൈര്യം സംഭരിച്ച് വയറിലും കഴുത്തിനും മാറിമാറി കുത്തിയെന്നു പ്രതി പോലീസിനോട് പറഞ്ഞു.

ആലുവ ഡിവൈ.എസ്.പി. പ്രഫുല്ലചന്ദ്രന്‍, ഞാറയ്ക്കല്‍ സി.ഐ: കെ.ഉല്ലാസ്, പറവൂര്‍ സി.ഐ: ക്രിസ്റ്റിന്‍സാം, മുനമ്പം എസ്.ഐ: ജി. അരുണ്‍ എന്നിവരുടെ നേതൃത്വത്തിലുള്ള പോലീസ് സംഘമാണു കേസ് അന്വേഷിച്ചത്. പ്രതിയെ ഇന്നു കോടതിയില്‍ ഹാജരാക്കും.

Read more topics: Woman, murder, Cherai beach, Kochi
English summary
Woman murdered at Cherai beach near Kochi
topbanner topbanner

More News from this section

Subscribe by Email