Thursday June 20th, 2019 - 11:04:am
topbanner
topbanner

ഇടതുപക്ഷ അടിത്തറ കെട്ടിപ്പടുക്കുന്ന കാര്യത്തില്‍ പുനര്‍വിചിന്തനം നടത്തണം; കള്ളനെ രാജ്യത്തിന്റെ കാവലേല്‍പ്പിച്ചെന്ന് വിഎസ് അച്യുതാനന്ദന്‍

JB
ഇടതുപക്ഷ അടിത്തറ കെട്ടിപ്പടുക്കുന്ന കാര്യത്തില്‍ പുനര്‍വിചിന്തനം നടത്തണം; കള്ളനെ രാജ്യത്തിന്റെ കാവലേല്‍പ്പിച്ചെന്ന് വിഎസ് അച്യുതാനന്ദന്‍

തിരുവനന്തപുരം: ലോക്‌സഭാ തെരഞ്ഞെടുപ്പ് ഫലം പുറത്തുവരുമ്പോള്‍ രാജ്യത്ത് കള്ളനെ കാവലേല്‍പ്പിക്കുന്നതു പോലുള്ള പ്രതിഭാസമാണ് ഉണ്ടായതെന്ന് മുന്‍ മുഖ്യമന്ത്രിയും സിപിഎം നേതാവുമായ വി എസ് അച്യുതാനന്ദന്‍. മുഖ്യശത്രുവായ ബിജെപിയെ തുരത്തുന്നതില്‍ പ്രതിപക്ഷ പാര്‍ട്ടികള്‍ കാണിച്ച യോജിപ്പില്ലായ്മയാണ് വന്‍ പരാജയത്തിലേയ്ക്ക് നയിച്ചതെന്ന് വിഎസ് വിലയിരുത്തി. കേരളത്തില്‍ ബിജെപി പരാജയപ്പെട്ടത് ആശ്വാസം നല്‍കുന്നുണ്ടെന്നും എന്നാല്‍ ഇടതുപക്ഷ അടിത്തറ കെട്ടിപ്പടുക്കുന്ന കാര്യത്തില്‍ പുനര്‍വിചിന്തനം നടത്തണമെന്നും വി എസ് ഫേസ്ബുക്ക് പോസ്റ്റില്‍ ഓര്‍മിപ്പിച്ചു.

വിഎസിന്റെ ഫെയ്സ്ബുക്ക് പോസ്റ്റിന്റെ പൂര്‍ണരൂപം:

'ലോക്‌സഭാ തിരഞ്ഞെടുപ്പ് ഫലം ഞെട്ടിക്കുന്നതാണ്. കള്ളനെ കാവലേല്‍പ്പിക്കുക എന്നൊക്കെ പറയുന്നതു പോലൊരു സ്ഥിതിവിശേഷമാണ് സംജാതമായിട്ടുള്ളത്.മുഖ്യശത്രുവിനെ തുരത്തുന്ന കാര്യത്തില്‍, പ്രതിപക്ഷ പാര്‍ട്ടികള്‍ക്കിടയില്‍ നിലനിന്ന യോജിപ്പില്ലായ്മയും ഉള്‍പ്പോരുമെല്ലാം ഈ സ്ഥിതിവിശേഷത്തിലേക്ക് നയിച്ചു എന്ന് സാമാന്യമായി അനുമാനിക്കാം.
കേരള ജനത ബിജെപിയെ തുരത്തുന്നതില്‍ വിജയിച്ചു എന്നത് ആശ്വാസകരമാണ്. അതോടൊപ്പം, ഇടതുപക്ഷത്തിന്റെ അടിത്തറ കെട്ടിപ്പടുക്കേണ്ടതെങ്ങിനെ എന്ന കാര്യത്തില്‍ പുനര്‍വിചിനന്തനം നടത്തേണ്ടതുണ്ട്. പറ്റിയ തെറ്റുകള്‍ പരിശോധിക്കുമെന്ന് സംസ്ഥാന സെക്രട്ടറി പറഞ്ഞുകഴിഞ്ഞു.
തിരഞ്ഞെടുപ്പ് ഫലങ്ങളില്‍ നിരാശരാവേണ്ട കാര്യമില്ല. ഒരു ജനവിധിയും ശാശ്വതമല്ല. ജനങ്ങളോടൊപ്പം നിന്ന്, ജനങ്ങളെ പുറത്തു നിര്‍ത്താതെ, കോര്‍പ്പറേറ്റ് വികസന മാതൃകകളെ പുറത്തു നിര്‍ത്തി, കര്‍ഷകരെയും തൊഴിലാളികളെയും പരിസ്ഥിതിയെയും ഭൂമിയെയും വിശ്വാസത്തിലെടുത്ത് മുന്നോട്ട് പോവുകയല്ലാതെ ഇടതുപക്ഷത്തിന് വേറെ മാര്‍ഗങ്ങളില്ല. അതാണ് ഇടതുപക്ഷ രാഷ്ട്രീയം.'

 

English summary
vs achuthanadan aganist modhi loksabha election
topbanner

More News from this section

Subscribe by Email