Sunday November 18th, 2018 - 1:32:pm
topbanner

കേരളത്തിന് അര്‍ഹവും ന്യായവുമായ പരിഗണന നല്‍കാന്‍ കേന്ദ്രസര്‍ക്കാര്‍ തയ്യാറാവണമെന്ന് വി.എം. സുധീരന്‍

RA
കേരളത്തിന് അര്‍ഹവും ന്യായവുമായ പരിഗണന നല്‍കാന്‍ കേന്ദ്രസര്‍ക്കാര്‍ തയ്യാറാവണമെന്ന് വി.എം. സുധീരന്‍

കൊച്ചി: കേരളത്തോടുള്ള വിവേചനപരമായ സമീപനം മോദി സര്‍ക്കാര്‍ തിരുത്തിയേ മതിയാകൂവെന്ന് കോണ്‍ഗ്രസ് നേതാവ് വിഎം സുധീരന്‍. കേരളത്തിനുണ്ടായ മഹാദുരന്തത്തെ കുറിച്ച്‌ ബോധ്യപ്പെട്ട കേന്ദ്ര ആഭ്യന്തര മന്ത്രി 100 കോടി രൂപയാണ് പ്രാഥമിക സഹായമായി പ്രഖ്യാപിച്ചതെന്നത് കേരളത്തിലെ ജനങ്ങളെ തീര്‍ത്തും നിരാശരാക്കിയിരിക്കുകയാണ്.

പ്രകൃതിക്ഷോഭം മൂലം ഇതുവരെയുള്ള കണക്കനുസരിച്ച്‌ 8316 കോടി രൂപയുടെ നഷ്ടമാണ് കണക്കാക്കപ്പെട്ടത്. അന്തിമ വിലയിരുത്തലില്‍ ഇത് ഇനിയും ഏറെ വര്‍ധിക്കുമെന്നതില്‍ സംശയമില്ല. ഈ പശ്ചാത്തലത്തില്‍ കേരളം അടിയന്തര സഹായമായി 1220 കോടി രൂപ ആവശ്യപ്പെട്ടിടത്താണ് 100 കോടി രൂപ പ്രഖ്യാപിക്കപ്പെട്ടത്, സുധീരന്‍ പറഞ്ഞു.

ഒരു സംസ്ഥാനമാകെ മഹാദുരിതത്തില്‍പ്പെട്ട് നട്ടം തിരിയുമ്ബോള്‍ ആ മഹാവിപത്തിനെ നേരിടുന്നതിന് അടിയന്തര സഹായമായി ആവശ്യപ്പെട്ട തുകയുടെ തുച്ഛമായ ഒരു ഭാഗം മാത്രം സഹായമായി പ്രഖ്യാപിച്ച കേന്ദ്രസര്‍ക്കാര്‍ നടപടി കേരളത്തോടുള്ള കടുത്ത അനീതിയാണ്.

അതേസമയം കഴിഞ്ഞ ഫെബ്രുവരിയില്‍ ബിഹാര്‍, ഗുജറാത്ത്, രാജസ്ഥാന്‍, ഉത്തര്‍പ്രദേശ്, പശ്ചിമ ബംഗാള്‍ എന്നീ സംസ്ഥാനങ്ങള്‍ക്ക് പ്രളയ ദുരിതാശ്വാസമായി യഥാക്രമം 1711, 1055, 420, 421, 839 കോടി എന്നിങ്ങനെയാണ് അനുവദിച്ചത്. ഓഖി ദുരന്തത്തിന്റെ കാര്യത്തിലും 1843 കോടി രൂപയുടെ പാക്കേജ് കേരളം ആവശ്യപ്പെട്ടപ്പോഴും 169.63 കോടി മാത്രമാണ് കേന്ദ്രം നല്‍കിയതെന്നും സുധീരന്‍ ഓര്‍മിപ്പിച്ചു.

 

Read more topics: vm sudheeran, critized, modi govt
English summary
vm sudheeran critized modi govt
topbanner

More News from this section

Subscribe by Email