Sunday September 23rd, 2018 - 6:00:pm
topbanner

വൈകല്യങ്ങളെ പാടി തോല്‍പ്പിച്ച വൈക്കം വിജയലക്ഷ്മിയ്ക്ക് ഡോക്ടറേറ്റ്

sadu prakash
വൈകല്യങ്ങളെ പാടി തോല്‍പ്പിച്ച വൈക്കം വിജയലക്ഷ്മിയ്ക്ക് ഡോക്ടറേറ്റ്

ചെന്നൈ: വൈകല്യങ്ങളെ പാട്ടുപാടി തോല്‍പ്പിച്ച് മലയാളികളുടെ ഹൃദയം കവര്‍ന്ന ഗായിക വൈക്കം വിജയലക്ഷ്മിക്ക് ഡോക്ടറേറ്റ്. അമേരിക്ക കേന്ദ്രമായി പ്രവര്‍ത്തിക്കുന്ന ഇന്റര്‍നാഷണല്‍ തമിഴ് സര്‍വകലാശാലയാണ് വിജയലക്ഷ്മിക്ക് ഡോക്ടറേറ്റ് നല്‍കി ആദരിച്ചത്. ചെന്നൈയില്‍ നടന്ന ചടങ്ങില്‍ സര്‍വകലാശാല ചാന്‍സിലര്‍ ഡോ. എ സെല്‍വിന്‍കുമാര്‍ വിജയലക്ഷ്മിക്ക് സര്‍ട്ടിഫിക്കറ്റ് കൈമാറി.

സംഗീതത്തിലെ മികവം പരിഗണിച്ചാണ് അംഗീകാരം നല്‍കിയതെന്ന് അധികൃതര്‍ വ്യക്തമാക്കി. തനിക്ക് നല്‍കിയ അംഗീകാരം മാതാപിതാക്കള്‍ക്കും ഗുരുക്കന്‍മാര്‍ക്കും ദൈവത്തിനും സമര്‍പ്പിക്കുന്നതായി വിജയലക്ഷ്മി പ്രതികരിച്ചു. ഇങ്ങനെ ഒരു ബഹുമതി കിട്ടുമെന്ന് പ്രതീക്ഷിച്ചില്ലെന്നും ദൈവാനുഗ്രഹം ആണെന്നും വിജയലക്ഷ്മി കൂട്ടിച്ചേര്‍ത്തു. നേരത്തേ ഗായത്രി വീണയില്‍ സ്വരങ്ങള്‍ മീട്ടി ഗിന്നസ് റെക്കോര്‍ഡിലേക്ക് നടന്നു കയറിയിട്ടുണ്ട് വൈക്കം വിജയലക്ഷ്മി. ആറ് മണിക്കൂറിലേറെ ദൈര്‍ഘ്യമുള്ള കച്ചേരി നടത്തിയാണ് വിജയലക്ഷ്മി നേട്ടം കൈവരിച്ചത്.


ഗായത്രിവീണയില്‍ അഞ്ച് മണിക്കൂറില്‍ 67 ഗാനങ്ങളാണ് വിജയലക്ഷ്മി വായിച്ചത്. അവിചാരിതമായിട്ടാണ് സംഗീത കച്ചേരികള്‍ അവതരിപ്പിച്ചിരുന്ന വൈക്കം വിജയലക്ഷ്മി സിനിമ പിന്നണി ഗാന രംഗത്തേക്കെത്തുന്നത്. 2013ല്‍ പുറത്തിറങ്ങിയ സെല്ലുലോയിഡ് എന്ന ചിത്രത്തിലാണ് ആദ്യമായി വിജയലക്ഷ്മി പിന്നണി പാടുന്നത്. സംഗീത സംവിധായകന്‍ എം ജയചന്ദ്രനാണ് സിനിമയിലേക്കുള്ള വഴിതുറന്നത്. ആദ്യമായി പാടിയ രണ്ട് സിനിമകളിലെ ഗാനത്തിനും വിജയലക്ഷ്മിക്ക് സംസ്ഥാന പുരസ്‌കാരങ്ങള്‍ ലഭിച്ചു. 2013ല്‍ മികച്ച ഗായികയ്ക്കുള്ള പുരസ്‌കാരത്തിന് പുറമെ
സെല്ലുലോയ്ഡിലെ ഗാനത്തിന് സ്പെഷ്യല്‍ ജൂറി പാരാമര്‍ശവും ലഭിച്ചിരിന്നു.

English summary
vaikom vijayalakshmi accept doctorate
topbanner

More News from this section

Subscribe by Email