Monday February 18th, 2019 - 2:29:pm
topbanner

കൊച്ചിയില്‍ ലക്ഷങ്ങള്‍ വിലയുള്ള മയക്കുമരുന്ന് പിടികൂടി; രണ്ടുപേര്‍ അറസ്റ്റില്‍

NewsDesk
കൊച്ചിയില്‍ ലക്ഷങ്ങള്‍ വിലയുള്ള മയക്കുമരുന്ന് പിടികൂടി; രണ്ടുപേര്‍ അറസ്റ്റില്‍

കൊച്ചി: രാജ്യാന്തര വിപണിയില്‍ കിലോയ്ക്ക് ഒരു കോടിയിലധികം രൂപ വിലവരുന്ന വൈറ്റ് ഹെറോയിനുമായി രണ്ടുപേര്‍ കൊച്ചി പോലീസിന്റെ പിടിയിലായി. ജാഫ്‌ന സ്വദേശി ശ്രീദേവന്‍ (57), സഹായിയും ചെന്നൈ റോയല്‍പേട്ട് സ്വദേശിയുമായ ഷാഹുല്‍ ഹമീദ് (36) എന്നിവരാണു പിടിയിലായത്.

ഇവരില്‍നിന്നും മുക്കാല്‍ കിലോയോളം ബ്രൗണ്‍ഷുഗര്‍ കണ്ടെടുത്തു. സിറ്റി പൊലീസ് കമ്മീഷണര്‍ എം.പി. ദിനേശിനു ലഭിച്ച രഹസ്യവിവരത്തെ തുടര്‍ന്ന് ക്രൈംബ്രാഞ്ച് എസിപി ടി.ബിജി ജോര്‍ജിന്റെ നേതൃത്വത്തില്‍ പ്രത്യേകസംഘം അന്വേഷണം നടത്തുകയായിരുന്നു.

ചെന്നൈ കേന്ദ്രമാക്കി, കേരളം അടക്കമുള്ള ദക്ഷിണേന്ത്യന്‍ സംസ്ഥാനങ്ങളിലേക്ക് കെമിക്കല്‍ ലഹരി മരുന്നുകള്‍ വന്‍തോതില്‍ കടത്തുന്ന സംഘത്തില്‍ പെട്ടവരാണു പിടിയിലായതെന്നും ശ്രീലങ്കയില്‍ നിന്നാണു ലഹരി വസ്തുക്കള്‍ ചെന്നൈയിലെത്തിച്ചതെന്നും പൊലീസ് അറിയിച്ചു.

ഇടപാടുകാര്‍ എന്ന രീതിയില്‍ ഒരാഴ്ചയോളം ചെന്നൈയില്‍ തങ്ങിയ ഷാഡോ ടീം, ലഹരിമരുന്നു വില്‍ക്കുന്ന ശ്രീലങ്കന്‍ അഭയാര്‍ഥി സംഘവുമായി കച്ചവടം ഉറപ്പിച്ച ശേഷം മടങ്ങുകയും പ്രതികള്‍ ലഹരിമരുന്നുമായി തൃപ്പൂണിത്തുറ റെയില്‍വേ സ്റ്റേഷനില്‍ എത്തിയപ്പോള്‍ പിടികൂടുകയും ചെയ്യുകയായിരുന്നു.

ഷാഡോ എസ്‌ഐ എ.ബി.വിബിന്‍, തൃപ്പൂണിത്തുറ എസ്‌ഐ ബിജു, സിപിഒമാരായ അഫ്‌സല്‍, സന്ദീപ്, ടി.ടി.സാനു, വിനോദ്, സാനുമോന്‍, വിശാല്‍, ഷാജിമോന്‍, സുനില്‍ എന്നിവര്‍ ഉള്‍പെട്ട സംഘമാണു പ്രതികളെ പിടികൂടിയത്.

Viral News

Read more topics: arrest, brown sugar, kochi
English summary
two arrested with brown sugar in kochi
topbanner

More News from this section

Subscribe by Email