Sunday November 18th, 2018 - 1:18:am
topbanner

ജെസ്‌നയെ കണ്ടതായി ടാക്‌സി ഡ്രൈവറുടെ വെളിപ്പെടുത്തല്‍

NewsDesk
ജെസ്‌നയെ കണ്ടതായി ടാക്‌സി ഡ്രൈവറുടെ വെളിപ്പെടുത്തല്‍

പത്തനംതിട്ട: മാസങ്ങള്‍ക്കു മുന്‍പ് മുക്കൂട്ടുതറയില്‍നിന്നു കാണാതായ കോളജ് വിദ്യാര്‍ഥിനി ജെസ്ന മരിയാ ജെയിംസിനെ കണ്ടതായി ടാക്‌സി ഡ്രൈവറുടെ വെളിപ്പെടുത്തല്‍.

ജെസ്നയുമായി രൂപസാദൃശ്യമുള്ള പെണ്‍കുട്ടിയെ മൂന്നു മാസം മുന്‍പ് താനാണ് ടാക്സി സ്റ്റാന്‍ഡില്‍നിന്ന് മറ്റൊരു സ്ഥലത്ത് എത്തിച്ചതെന്ന് അടിമാലിയിലെ ടാക്‌സി ഡ്രൈവര്‍ പോലീസിന് മൊഴി നല്‍കി.

പത്രങ്ങള്‍ വായിക്കാതിരുന്നതിനാല്‍ തിരോധാനത്തെക്കുറിച്ച് അറിഞ്ഞിരുന്നില്ല. കഴിഞ്ഞദിവസങ്ങളില്‍ മാത്രമാണു ജെസ്നയുടെ പടവും വാര്‍ത്തയും ശ്രദ്ധയില്‍പ്പെട്ടത്. അപ്പോഴാണ് തന്റെ കാറില്‍ ഇതേ രൂപസാദൃശ്യമുള്ള പെണ്‍കുട്ടി കാറില്‍ സഞ്ചരിച്ച കാര്യം ഓര്‍ത്തത്. ഉടനെ പോലീസില്‍ വിവരം അറിയിക്കുകയായിരുന്നെന്നും യുവാവ് പറഞ്ഞു.

മൊഴി പൂര്‍ണമായും വിശ്വാസത്തിലെടുത്തിട്ടില്ലെങ്കിലും ഇതിന്റെ അടിസ്ഥാനത്തില്‍ പോലീസ് അന്വേഷണം ആരംഭിച്ചു. സംസ്ഥാനത്തിനകത്തും പുറത്തുമായി ജെസ്‌നയ്ക്കുവേണ്ടിയുള്ള അന്വേഷണം തുടരുകയാണ്.

Read more topics: taxi, driver, Jesna, adimali
English summary
taxi driver says Jesna was spotted in adimali
topbanner

More News from this section

Subscribe by Email