Saturday December 15th, 2018 - 4:15:am
topbanner

ശബരിമല സ്ത്രീ പ്രവേശനം; പുനഃപരിശോധന ഹര്‍ജികള്‍ ഇന്ന് പരിഗണിക്കും

JB
ശബരിമല സ്ത്രീ പ്രവേശനം; പുനഃപരിശോധന ഹര്‍ജികള്‍ ഇന്ന് പരിഗണിക്കും

ന്യൂഡല്‍ഹി: ശബരിമല സ്ത്രീ പ്രവേശനത്തിനെതിരായ പുനഃപരിശോധന ഹര്‍ജികള്‍ ഇന്ന് സുപ്രിംകോടതി പരിഗണിക്കും. നിലവിലെ ചീഫ് ജസ്റ്റിസ് രഞ്ജന്‍ ഗൊഗൊയിയെ ഉള്‍പ്പെടുത്തിയുള്ള ബെഞ്ചാണ് ഹര്‍ജികള്‍ പരിഗണിക്കുന്നത്. എന്നാല്‍ ഇക്കുറി തുറന്ന കോടതിയില്‍ വാദം കേള്‍ക്കില്ല. അതായത് ഹര്‍ജി പരിഗണിക്കുന്ന ചേംബറില്‍ അഭിഭാഷകര്‍ക്കും ഹര്‍ജിക്കാര്‍ക്കും പ്രവേശനമുണ്ടാകില്ല.

ചൊവ്വാഴ്ച ഉച്ചയ്ക്ക് മൂന്നിന് ചേംബറിലാണ് ഹര്‍ജികള്‍ പരിഗണിക്കുന്നത്. ശബരിമല വിധിക്കെതിരെ 48 പുനഃപരിശോധന ഹര്‍ജികളാണ് ഇപ്പോള്‍ സുപ്രിംകോടതി മുന്‍പാകെ ലഭിച്ചിട്ടുള്ളഥ്. ആദ്യം മൂന്ന് റിട്ട് ഹര്‍ജികള്‍ ചീഫ് ജസ്റ്റിസും ജഡ്ജിമാരായ സഞ്ജയ് കിഷന്‍ കൗള്‍, കെ.എം. ജോസഫ് എന്നിവരും അടങ്ങിയ ബെഞ്ച് രാവിലെ പരിഗണിക്കുന്നുണ്ട്.

പന്തളം കൊട്ടാരം നിര്‍വാഹക സംഘം, എന്‍എസ്എസ്, കേരള ക്ഷേത്ര സംരക്ഷണ സമിതി, തിരുവിതാംകൂര്‍ ദേവസ്വം എംപ്ലോയീസ് ഫ്രണ്ട് തുടങ്ങിയ 29 സംഘടനകളാണ് ഹര്‍ജി നല്‍കിയിരിക്കുന്നത്. ഭരണഘടന ബെഞ്ചിന്‌റെ ആദ്യത്തെ വിധിയില്‍ ഗുരുതരമായ പിഴവുണ്ടെന്നും അതിനാല്‍ കാലാകാലങ്ങളായി തുടരുന്ന ആചാരാനുഷ്ടാനങ്ങള്‍ പരിശോധിക്കാതെ വിധികള്‍ തുടര്‍ന്നാല്‍ ഇന്ന് മതങ്ങള്‍ തന്നെ ഇല്ലാതാവേണ്ട സ്ഥിതി വരുമെന്നുമൊക്കെയാണ് ഹര്‍ജിയിലുള്ളത്.

 

English summary
suprem court consider sabarimala ple today
topbanner

More News from this section

Subscribe by Email