Wednesday September 19th, 2018 - 8:29:pm
topbanner
Breaking News

ജി വി രാജയിലെ ഭക്ഷണത്തില്‍ പ്രിന്‍സിപ്പല്‍ മായം ചേര്‍ക്കുന്നതായി സ്‌പെഷ്യല്‍ ബ്രാഞ്ചിന്റെ റിപ്പോര്‍ട്ട്

suji
ജി വി രാജയിലെ ഭക്ഷണത്തില്‍ പ്രിന്‍സിപ്പല്‍ മായം ചേര്‍ക്കുന്നതായി സ്‌പെഷ്യല്‍ ബ്രാഞ്ചിന്റെ റിപ്പോര്‍ട്ട്

തിരുവനന്തപുരം ; ജി വി രാജ സ്‌പോര്‍ട്‌സ് സ്‌കൂളിലെ ഭക്ഷ്യ വിഷബാധയുമായി ബന്ധപ്പെട്ട് പ്രിന്‍സിപ്പലിനെ പ്രതികൂട്ടിലാക്കി സ്‌പെഷ്യല്‍ ബ്രാഞ്ചിന്റെ റിപ്പോര്‍ട്ട്. സ്‌കൂളിലെ ഭക്ഷണത്തില്‍ പ്രിന്‍സിപ്പല്‍ പ്രദീപ് കുമാര്‍ തന്നെ മായം ചേര്‍ക്കുന്നതായി സംശയമുണ്ടെന്ന് റിപ്പോര്‍ട്ടില്‍ പറയുന്നു. ഭക്ഷ്യവിഷബാധയെ കുറിച്ച് വിശദമായി അന്വേഷിക്കണമെന്നും റിപ്പോര്‍ട്ടില്‍ ശുപാര്‍ശയുണ്ട്.

വിദ്യാര്‍ത്ഥികളേയും ജീവനക്കാരേയും പ്രിന്‍സിപ്പല്‍ മാനസികമായി പീഡിപ്പിക്കാറുണ്ട്. പ്രിന്‍സിപ്പലിന്റെ പീഡനം സഹിക്കാന്‍ വയ്യാതെ 25 ഓളം ജീവനക്കാര്‍ സ്ഥലംമാറ്റം വാങ്ങിപ്പോയിട്ടുണ്ട്. മറ്റു പലരും സ്ഥലം മാറ്റത്തിനായി ശ്രമിക്കുന്നുമുണ്ടെന്നും റിപ്പോര്‍ട്ടില്‍ പറയുന്നു. അനുസരിക്കാത്തവരെ പ്രിന്‍സിപ്പല്‍ ഉപദ്രവിക്കും.

അടിക്കടി വരുന്ന ഭക്ഷ്യവിഷബാധ ഗൗരവമായി എടുക്കണം. പ്രിന്‍സിപ്പല്‍ തന്നെയാണ് ഈ വിഷയത്തില്‍ സംശയത്തിന്റെ നിഴലിലുള്ളത്. ഉന്നതനായ ഒരാളുടെ സഹായമില്ലാതെ ഇത്തരം സംഭവം ഉണ്ടാകില്ലെന്നും റിപ്പോര്‍ട്ടില്‍ പറയുന്നു.

അതേസമയം താന്‍ പ്രിന്‍സിപ്പലായ ശേഷം ആദ്യമായാണ് ഭക്ഷ്യവിഷബാധ ഉണ്ടാകുന്നതെന്ന് പ്രിന്‍സിപ്പല്‍ പ്രദീപ് കുമാര്‍ പറഞ്ഞു. സ്‌പെഷ്യല്‍ ബ്രാഞ്ച് റിപ്പോര്‍ട്ടിനെ കുറിച്ച് പ്രതികരിക്കാനില്ലെന്നും അദ്ദേഹം പറഞ്ഞു.

English summary
special branch report against g v rajas principal
topbanner

More News from this section

Subscribe by Email