Thursday November 22nd, 2018 - 4:18:pm
topbanner

അവധി ദിനത്തിലും കോടതിയില്‍ സോളാര്‍ കേസ് വാദം തുടരും

Jikku Joseph
അവധി ദിനത്തിലും കോടതിയില്‍ സോളാര്‍ കേസ് വാദം തുടരും

കൊച്ചി: സോളാര്‍ ജുഡീഷ്യല്‍ അന്വേഷണ കമ്മീഷന്‍ റിപ്പോര്‍ട്ട് റദ്ദാക്കണമെന്നും തുടര്‍ നടപടികള്‍ തടയണമെന്നും ആവശ്യപ്പെട്ട് മുന്‍ മുഖ്യമന്ത്രി ഉമ്മന്‍ചാണ്ടി നല്‍കിയ ഹര്‍ജിയില്‍ അവധി ദിവസമായിട്ടും ഹൈകോടതി ഇന്ന് പ്രത്യേക വാദം കേള്‍ക്കും. ശനിയാഴ്ചകളില്‍ സാധാരണ ഹൈക്കോടതി നടപടികളില്ല. എന്നാല്‍ മുതിര്‍ന്ന അഭിഭാഷകന്റെ സൗകര്യം പരിഗണിച്ചാണ് ജസ്റ്റിസ് ജയശങ്കരന്‍ നമ്പ്യാര്‍ അധ്യക്ഷനായ സിംഗിള്‍ ബഞ്ച് വാദം കേള്‍ക്കുന്നത്.

സര്‍ക്കാരിന് വേണ്ടി ഹാജരായ സുപ്രിംകോടതിയിലെ മുതിര്‍ന്ന അഭിഭാഷകന്റെ വാദം തുടരും. കമ്മീഷന്റെ പരിഗണനാ വിഷയങ്ങളില്‍ മാറ്റം വരുത്തിയത് സംബന്ധിച്ചാണ് സര്‍ക്കാരിന്റെ വാദം പുരോഗമിക്കുന്നത്. ഹര്‍ജിയില്‍ ഉമ്മന്‍ചാണ്ടിയുടെ വാദം നേരത്തെ പൂര്‍ത്തിയായിരുന്നു. സര്‍ക്കാരിന്റെ വാദം പൂര്‍ത്തിയായ ശേഷം ഹൈകോടതി സരിതയുള്‍പ്പടെയുള്ള മറ്റ് കക്ഷികളുടെ വാദം കേള്‍ക്കും.

English summary
solar case hearing on saturday
topbanner

More News from this section

Subscribe by Email