Wednesday November 14th, 2018 - 10:58:am
topbanner

സ്ത്രീയാണെന്ന പരിഗണന പോലും നല്‍കാതെ സോഷ്യൽ മീഡിയയിലൂടെ കടന്നാക്രമിക്കുകയാണെന്ന് ഊര്‍മിള ഉണ്ണി

rajani v
സ്ത്രീയാണെന്ന പരിഗണന പോലും നല്‍കാതെ സോഷ്യൽ മീഡിയയിലൂടെ കടന്നാക്രമിക്കുകയാണെന്ന് ഊര്‍മിള ഉണ്ണി

സോഷ്യൽ മീഡിയയിലെ ട്രോളുകളെ വിമർശിച്ച് നടി ഊർമിള ഉണ്ണി. സ്ത്രീയാണെന്ന പരിഗണന പോലും നല്‍കാതെ തന്നെ സാമൂഹ്യമാധ്യമങ്ങളില്‍ കടന്നാക്രമിക്കുകയാണെന്ന് ഊര്‍മിള ഉണ്ണി ആരോപിച്ചു. സത്യാവസ്ഥ അറിയാതെയാണ് പലരും വിമര്‍ശിക്കുന്നത്.

ഇതിന് പിന്നില്‍ വ്യക്തമായ അജണ്ടകളുണ്ടെന്നും അവര്‍ ആരോപിച്ചു.നടി ആക്രമിക്കപ്പെട്ടതിനെക്കുറിച്ചും ദിലീപിനെ തിരിച്ചെടുത്തതിനെക്കുറിച്ചുമുള്ള ചോദ്യങ്ങള്‍ക്ക് പരിഹാസ്യമായ മറുപടികള്‍ നല്‍കിയതിനെ തുടര്‍ന്നാണ് ഊര്‍മിള ഉണ്ണിക്കെതിരായ സോഷ്യല്‍ മീഡിയ പ്രതിഷേധം.

മകളുടെ പ്രായമുള്ള പെണ്‍കുട്ടി ആക്രമിക്കപ്പെട്ടതിനെക്കുറിച്ച് ഒന്നും പറയാനില്ലേ എന്ന ചോദ്യത്തിന് എന്താല്ലോ പാവം കുട്ടി എന്ന പരിഹാസരൂപേണയുള്ള മറുപടിയാണ് ഊര്‍മിള ഉണ്ണി നല്‍കിയത്.നടിക്കൊപ്പമാണോ അതോ കുറ്റാരോപിതനായ നടനൊപ്പമാണോ എന്ന ചോദ്യത്തില്‍ നിന്നും അവര്‍ ഒഴിഞ്ഞുമാറി.

ഒടുവില്‍ ഓണമല്ലേ വരുന്നത് അതേക്കുറിച്ച് ചോദിച്ചു കൂടെ എന്നും ഊര്‍മിള ഉണ്ണി ചോദിച്ചു. എന്തുകൊണ്ടാണ് ഇത്ര ലാഘവത്തോടെ സംസാരിക്കുന്നത് എന്ന ചോദ്യത്തിന് അത് പ്രായമാകുമ്പോള്‍ മനസിലാകുമെന്നായിരുന്നു ഊര്‍മിള ഉണ്ണിയുടെ മറുപടി.

 

Read more topics: social media, critizim, urmila unni
English summary
social media critizim urmila unni
topbanner

More News from this section

Subscribe by Email