Sunday February 17th, 2019 - 7:25:am
topbanner

സോഷ്യല്‍ മീഡിയയില്‍ സി. കെ വിനീതിനായി രാഷ്ട്രീയ പാര്‍ട്ടികളുടെ തമ്മിലടി

RAJANI
 സോഷ്യല്‍ മീഡിയയില്‍ സി. കെ വിനീതിനായി രാഷ്ട്രീയ പാര്‍ട്ടികളുടെ തമ്മിലടി

സോഷ്യല്‍ മീഡിയയിലെ ഇപ്പോഴത്തെ താരം കേരള ബ്ലാസ്റ്റേഴ്സിനെ സെമിയില്‍ എത്തിച്ച സി. കെ വിനീതാണ്. താരം എല്‍ഡിഎഫ് ആണോ അതോ എബിവിപിയാണോ എന്നതാണ് സോഷ്യല്‍ മീഡിയയില്‍ ഉയരുന്ന തര്‍ക്കം. കേരളത്തിനായി ഗോളടിച്ചു മുന്നേറിയതാണ് വിനീതിന് വിനയായത്.

കണ്ണൂരിന്റെ വിപ്ലവവീര്യം കാലില്‍ ആവാഹിച്ചാണ് വിനീത് കളത്തിലിറങ്ങിയതെന്നാണ് ചെങ്കൊടിയുടെ കാവല്‍ക്കാരുടെ ഫേസ്ബുക്ക് പോസ്റ്റില്‍ പറയുന്നത്.ഇവരിങ്ങനെ പറയുമ്പോള്‍ കാവിയുടെ കാവല്‍ക്കാര്‍ക്ക് വെറുതേയിരിക്കാന്‍ പറ്റുമോ?

കണ്ണൂര്‍ എസ്എന്‍ കോളജില്‍ 2008ല്‍ എബിവിപിയുടെ ചെയര്‍മാന്‍ സ്ഥാനാര്‍ഥിയായിരുന്നു വിനീതെന്നും അന്ന് വളരെ നിസാരവോട്ടുകള്‍ക്കായിരുന്നു വിനീത് പരാജയപ്പെട്ടതെന്നും അവര്‍ പറയുന്നു. ഭാരതാംബയുടെ പൊന്നോമന പുത്രനാണ് വിനീതെന്നു പറയുന്ന ഭാരതത്തിലെ ജനങ്ങളുടെ പാര്‍ട്ടിക്കാര്‍ പതിവുപോലെ ബോലോ ഭാരത് മാതാ കീ ജയ് പറഞ്ഞാണ് അവസാനിപ്പിക്കുന്നത.്

എന്തായാലും വരും ദിനങ്ങളില്‍ കെഎസ്യുവും എംഎസ്എഫും എഐഎസ്എഫുമൊക്കെ അവകാശം പറഞ്ഞുകൊണ്ടുവരുമോയെന്നു കാത്തിരുന്നു കാണാം. അതേസമയം കളിയെ കളിയായിട്ടു കാണണമെന്നും എല്ലാത്തിലും രാഷ്ട്രീയം കാണുന്നത് നാണക്കേടാണെന്നുമാണ് യഥാര്‍ഥ കളിയാരാധകരുടെ അഭിപ്രായം.

രാഷ്ട്രീയ ഗ്രൂപ്പുകളിലെ അവകാശവാദത്തെ പലരും അതിരൂക്ഷമായി വിമര്‍ശിക്കുന്നുണ്ട്. നിര്‍ണായകമായ സെമിഫൈനല്‍വരാനിരിക്കെ ഇത്തരത്തില്‍ രാഷ്ട്രീയ മുതലെടുപ്പിന് ശ്രമിക്കുന്നവര്‍ ടീമിന്റെ മനോവീര്യം തകരാനേ ഇടയാക്കുകയുള്ളുവെന്നാണ് ആരാധകര്‍ പറയുന്നത്.

 

Viral News

Read more topics: social, media, ck vineeth
English summary
social media ck vineeth
topbanner

More News from this section

Subscribe by Email