Thursday March 21st, 2019 - 1:20:am
topbanner
topbanner

താന്‍ കന്യകയാണോ...? മുകേഷിന് പിന്നാലെ സംഗീതസംവിധായകന്‍ ഗോപി സുന്ദറിന് നേരെയും മീ ടൂ ആരോപണം ഉന്നയിച്ച് യുവതി രംഗത്ത്

fasila
താന്‍ കന്യകയാണോ...?  മുകേഷിന് പിന്നാലെ സംഗീതസംവിധായകന്‍ ഗോപി സുന്ദറിന് നേരെയും മീ ടൂ ആരോപണം ഉന്നയിച്ച് യുവതി രംഗത്ത്

നടനും എം.എല്‍.എയുമായ മുകേഷിനെതിരെയുള്ള ലൈംഗികാരോപണം ചൂടുപിടിച്ചിരിക്കുമ്പോൾ, അതിനുപിന്നാലെ സംഗീതസംവിധായകന്‍ ഗോപി സുന്ദറിന് നേരെയും മീടു ആരോപണം. ഇന്ത്യ പ്രൊട്ടസ്റ്റ് എന്ന ഫേസ്ബുക്ക് പേജിലൂടെയായിരുന്നു ആരോപണം ഉയര്‍ന്നത്.

ഗോപി സുന്ദര്‍ ഫോണിലൂടെ വിളിച്ച് അശ്ലീല സംഭാഷണം നടത്തിയെന്നും അന്ന് തനിക്ക് പ്രായപൂര്‍ത്തി പോലും ആയിരുന്നില്ലെന്നും ആരോപണം ഉന്നയിച്ച യുവതി പറയുന്നു. ഫോണ്‍ ചെയ്ത് കന്യകയാണോ എന്നും പാട്ട് പാടാന്‍ അവസരം തരാമെന്നും പറഞ്ഞ് മോശമായി സംസാരിച്ചെന്നും ട്വിറ്ററിലെ ആരോപണത്തില്‍ പറയുന്നു.

പതിനെട്ട് വയസ് പോലും തനിക്ക് ആയിരുന്നില്ലെന്നും ഗോപി സുന്ദറിന് അന്ന് 34 വയസോളം പ്രായം ഉണ്ടാകുമെന്നും പറയുന്നു. അതുവരെ തന്റെ റോള്‍ മോഡല്‍ ആയിരുന്നു ഗോപി സുന്ദര്‍. തന്നെ വിളിച്ച് ആദ്യമൊക്കെ നല്ല രീതിയിലാണ് സംസാരിച്ചത്. പിന്നീട് വളരെ മോശമായി സംസാരിക്കുകയായിരുന്നെന്നും ആരോപണത്തില്‍ പറയുന്നു.

പിന്നീട് തനിക്കായി ഒരു ഗാനം കണ്ട് വെച്ചിട്ടുണ്ടെന്നും എന്നാല്‍ അത് പാടുന്നതിന് മുമ്പായി വീട്ടില്‍ വരണമെന്നും ഗോപി സുന്ദര്‍ പറഞ്ഞെന്നും താന്‍ കന്യകയാണോ എന്ന് ചോദിച്ചിരുന്നെന്നും യുവതി ആരോപിക്കുന്നു. ഏതായാലും വരും നാളുകളില്‍ കൂടുതല്‍ പ്രമുഖര്‍ ‘മീടൂവിന്റെ ഇര’കളാകുമോയെന്ന് കാത്തിരിക്കുകയാണ് ആളുകള്‍.

Viral News

English summary
sexual allegation against music director Gopi Sundar
topbanner

More News from this section

Subscribe by Email