Friday December 14th, 2018 - 6:12:pm
topbanner

കന്യാസ്ത്രീസമരത്തെ സര്‍ക്കാര്‍ ഇപ്പോഴും ശരിയായി മനസ്സിലാക്കുന്നില്ല; അറസ്റ്റ് നടക്കുകയാണെങ്കില്‍ നടക്കട്ടെയെന്ന് സി. അനുപമ  

JB
കന്യാസ്ത്രീസമരത്തെ സര്‍ക്കാര്‍ ഇപ്പോഴും ശരിയായി മനസ്സിലാക്കുന്നില്ല; അറസ്റ്റ് നടക്കുകയാണെങ്കില്‍ നടക്കട്ടെയെന്ന് സി. അനുപമ   

 

കൊച്ചി: കന്യാസ്ത്രീമാരുടെ സമരം സഭയെ മോശമായി ചിത്രീകരിക്കാനുള്ള ശ്രമമെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ നിലപാട് തള്ളി സമരം നയിക്കുന്ന സി. അനുപമ. കന്യാസ്ത്രീസമരത്തെ സര്‍ക്കാര്‍ ഇപ്പോഴും ശരിയായി മനസ്സിലാക്കുന്നില്ലെന്നും ആരോപണങ്ങളില്‍ വിഷമമുണ്ടെന്നും സി. അനുപമ പറഞ്ഞു. സമരം ഒരിക്കലും കന്യാസ്ത്രീകളെ മാത്രം ഉദ്ദേശിച്ചായിരുന്നില്ലെന്നും എല്ലാ സ്ത്രീകള്‍ക്കും വേണ്ടിയുള്ള സമരമാണെന്നും സിസ്റ്റര്‍ പറഞ്ഞു.

കന്യാസ്ത്രീയെ പീഡിപ്പിച്ച കേസില്‍ ബിഷപ്പ് ഫ്രാങ്കോ അറസ്റ്റിലാകുമെന്ന പ്രതീക്ഷ നഷ്ടപ്പെട്ടെന്നും അറസ്റ്റ് നടക്കുകയാണെങ്കില്‍ നടക്കട്ടെയെന്നും സി. അനുപമ പറഞ്ഞു. സമരം പതിനാല് ദിവസമായിട്ടും വേണ്ടത്ര നടപടികളൊന്നും സ്വീകരിച്ചു കണ്ടില്ല. ചോദ്യം ചെയ്യല്‍ നീണ്ടു പോകുന്നതില്‍ ആശങ്ക പ്രകടിപ്പിച്ച സിസ്റ്റര്‍ എല്ലാവരും ചേര്‍ന്ന് കബളിപ്പിക്കുകയാണോയെന്ന് സംശയിക്കുന്നുണ്ടെന്നും കൂട്ടിച്ചേര്‍ത്തു. ബിഷപ്പിനെ അറസ്റ്റ് ചെയ്തുവെന്ന് അറിഞ്ഞാല്‍ അത് വിശ്വസിക്കാമെന്നും അല്ലാതെയുള്ള പ്രതീക്ഷകളൊന്നും വെച്ചു പുലര്‍ത്തുന്നില്ലെന്നും അവര്‍ വ്യക്തമാക്കി.

 

Read more topics: anupama, protest, church,
English summary
sr anupama says their protest is not against church
topbanner

More News from this section

Subscribe by Email