Friday April 26th, 2019 - 1:35:am
topbanner
topbanner

കലാഭവന്‍ മണിയുടെ മരണം: ജാഫര്‍ ഇടുക്കിയുടെയും, സാബുവിന്റെയും നുണ പരിശോധന കഴിഞ്ഞു

JB
 കലാഭവന്‍ മണിയുടെ മരണം: ജാഫര്‍ ഇടുക്കിയുടെയും, സാബുവിന്റെയും നുണ പരിശോധന കഴിഞ്ഞു

കൊച്ചി: കലാഭവന്‍ മണിയുടെ മരണവുമായി ബന്ധപ്പെട്ട് സിനിമാ താരങ്ങളായ ജാഫര്‍ ഇടുക്കിയുടെയും സാബു മോന്റെയും നുണ പരിശോധന നടത്തി. എറണാകുളം സി.ബി.ഐ ഓഫീസിലായിരുന്നു നുണ പരിശോധന. ഇന്നലെ രാവിലെ തുടങ്ങിയ പരിശോധന വൈകിട്ട് ഏഴ് മണിയോടെയാണ് പൂര്‍ത്തിയായത്. മണിയുടെ മാനേജര്‍ ജോബി സെബാസ്റ്റ്യന്റെയൂം മണിയോട് അടുപ്പമുണ്ടായിരുന്ന മറ്റുചിലരുടെയും നുണപരിശോധന സി.ബി.ഐ. ഓഫീസില്‍ നടന്നുകൊണ്ടിരിക്കുകയാണ്. മണിയുടെ സുഹൃത്ത്, ബന്ധു തുടങ്ങിയ ചിലരും നുണ പരിശോധനക്ക് വിധേയരാവുന്നവരുടെ ലിസ്റ്റിലുണ്ട്.

2016 മാര്‍ച്ച് 6നാണ് മലയാളികളെ ഞെട്ടിച്ച് മണി വിടപറഞ്ഞത്. ചാലക്കുടിയിലെ പാടി എന്ന ഔട്ട്ഹൗസില്‍ അബോധാവസ്ഥയില്‍ കണ്ടെത്തിയ മണിയെ കൊച്ചിയിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സഹോദരന്‍ ആര്‍.എല്‍.വി. രാമകൃഷ്ണനാണ് കൊലപാതകമാണെന്ന ആരോപണം ആദ്യം ഉന്നയിച്ചത്. സര്‍ക്കാര്‍ നിയോഗിച്ച പ്രത്യേക അന്വേഷണസംഘം പലരേയും ചോദ്യം ചെയ്തെങ്കിലും തുമ്പുണ്ടായില്ല. 2017 മെയില്‍ സി.ബി.ഐ. കേസ് ഏറ്റെടുത്തു. എന്നാല്‍ കൊലപാതകമെന്ന് വ്യക്തമാക്കുന്ന തെളിവുകള്‍ ലഭിച്ചില്ല.

മരണത്തിന് മുന്‍പ് മണിക്കൊപ്പം പാടിയില്‍ ഉണ്ടായിരുന്ന ജാഫര്‍ ഇടുക്കിയും സാബുമോനും അടക്കമുള്ള ഏഴു സുഹൃത്തുക്കളെ നുണപരിശോധനയ്ക്ക് വിധേയമാക്കണമെന്ന സിബിഐയുടെ ആവശ്യം എറണാകുളം സി.ജെ.എം. കോടതി അംഗീകരിക്കുകയായിരുന്നു. 2018ല്‍ മണിയുടെ ജീവിത കഥ പറഞ്ഞ ചാലക്കുടിക്കാരന്‍ ചങ്ങാതിയെന്ന വിനയന്‍ ചിത്രം പുറത്തിറങ്ങിയിരുന്നു.

 

English summary
polygraph, test for sabumon, and jafar idukki, is complete-
topbanner

More News from this section

Subscribe by Email