Wednesday July 24th, 2019 - 6:23:am
topbanner
topbanner

വിഷുദിനത്തില്‍ ജയരാജനൊപ്പം ഗുജറാത്ത് കലാപത്തില്‍ വാളോങ്ങിയ മോച്ചിയും കൈകൂപ്പി അന്‍സാരിയും

JB
വിഷുദിനത്തില്‍ ജയരാജനൊപ്പം ഗുജറാത്ത് കലാപത്തില്‍ വാളോങ്ങിയ മോച്ചിയും കൈകൂപ്പി അന്‍സാരിയും

കോഴിക്കോട്: വടകരയിലെ എല്‍ഡിഎഫ് സ്ഥാനാര്‍ത്ഥി പി ജയരാജനു വേണ്ടി പ്രചാരണത്തിനിറങ്ങാന്‍ ഗുജറാത്ത് വംശഹത്യയുടെ മുഖങ്ങളായ അശോക് മോച്ചിയും കുത്തുബ്ദീന്‍ അന്‍സാരിയില്‍. വിഷു ദിനത്തില്‍ തന്നെ കാണാനെത്തിയ ഇരുവരുമൊത്തുള്ള ചിത്രം പി ജയരാജന്‍ തന്നെയാണ് ഫേസ്ബുക്കില്‍ പങ്കുവെച്ചത്. തനിക്കു വേണ്ടി തെരഞ്ഞെടുപ്പ് പ്രചാരണത്തില്‍ പങ്കെടുക്കാനാണ് ഇരുവരുടെയും പദ്ധതിയെന്ന് പി ജയരാജന്‍ ഫെയ്‌സ്ബുക്കില്‍ കുറിച്ചു.

ഗുജറാത്ത് കലാപവേളയില്‍ വാളോങ്ങിപ്പിടിച്ച അശോക് മോച്ചിയുടെയും കൈകൂപ്പി നില്‍ക്കുന്ന കുത്തുബ്ദീന്‍ അന്‍സാരിയുടെയും ചിത്രങ്ങള്‍ മാധ്യമങ്ങള്‍ വഴി പ്രചരിച്ചിരുന്നു. ഗുജറാത്ത് വംശഹത്യയുടെ മുഖങ്ങള്‍ എന്ന പേരിലാണ് ഇരുവരും മാധ്യമങ്ങളിലൂടെ ലോകശ്രദ്ധ പിടിച്ചു പറ്റിയത്. കലാപത്തിന് ശേഷം അന്‍സാരിയെ സംരക്ഷിച്ചത് സിപിഎം ആയിരുന്നെന്ന് പി ജയരാജന്‍ ചൂണ്ടിക്കാട്ടി.

ഗുജറാത്ത് കലാപം കഴിഞ്ഞ് 12 വര്‍ഷം പൂര്‍ത്തിയായപ്പോള്‍ വംശഹത്യയുടെ വ്യാഴവട്ടം എന്ന പേരില്‍ നടത്തിയ പരിപാടിയില്‍ ഇരുവരെയും ഒന്നിച്ചു പങ്കെടുപ്പിച്ചിരുന്നതായും അന്ന് ഇരുവരുമായും തുടങ്ങിയ ബന്ധം താന്‍ ഇപ്പോഴും തുടരുകയാണെന്ന് ജയരാജന്‍ ഫെയ്‌സ്ബുക്കില്‍ കുറിച്ചു. താന്‍ സ്ഥാനാര്‍ത്ഥിയായത് അറിഞ്ഞാണ് ഇരുവരും വീട്ടിലെത്തിയത്. അന്‍സാരിയും മോച്ചിയും ചേര്‍ന്ന് തനിക്ക് വോട്ട് അഭ്യര്‍ത്ഥിച്ചു കൊണ്ടുള്ള കേക്ക് മുറിച്ചതായി ജയരാജന്‍ പറഞ്ഞു. ഇരുവരുടെയും സ്‌നേഹത്തിനും പിന്തുണയ്ക്കും നന്ദിയെന്നും പി ജയരാജന്‍ പറഞ്ഞു.

ഫേസ്ബുക്ക് പോസ്റ്റിന്റെ പൂര്‍ണ്ണരൂപം:

ഞാന്‍ പാര്‍ലമെന്റ് തെരഞ്ഞെടുപ്പില്‍ മത്സരിക്കുന്നു എന്നറിഞ്ഞപ്പോള്‍ ഓടി വന്നതാണ് പ്രിയപ്പെട്ട കുത്തബ്ദീന്‍ അന്‍സാരിയും അശോക് മോച്ചിയും. ഗുജറാത്ത് വര്‍ഗ്ഗീയ കലാപത്തില്‍ വാളുയര്‍ത്തിപ്പിടിച്ച മോച്ചിയുടെയും കൈകൂപ്പി നിന്ന അന്‍സാരിയുടെയും ചിത്രങ്ങള്‍ വര്‍ഷങ്ങള്‍ക്ക് മുന്‍പ് നമ്മുടെയെല്ലാം മനസ്സില്‍ പതിഞ്ഞവയാണ്. ദലിതനായ തന്നെ വംശഹത്യയുടെ ഭാഗമാക്കിയതുള്‍പ്പെടെ എല്ലാം പിന്നീട് അശോക് മോച്ചി പരസ്യമായി ഏറ്റ് പറയുകയായിരുന്നു. കലാപത്തിന്റെ ഇരയായ കുത്തബ്ദീന്‍ അന്‍സാരിയെ പിന്നീട് സംരക്ഷിച്ചത് സിപിഐഎമ്മായിരുന്നു.

ഇരുവരുമായും എനിക്ക് വര്‍ഷങ്ങളായി ബന്ധമുണ്ട്. ഗുജാറാത്ത് കലാപത്തിന് 12 വര്‍ഷം പൂര്‍ത്തിയായ വേളയില്‍ 2014 ല്‍ 'വംശഹത്യയുടെ വ്യാഴവട്ടം' എന്ന പേരില്‍ കണ്ണൂര്‍ തളിപ്പറമ്പില്‍ ഒരു പരിപാടി സംഘടിപ്പിച്ചിരുന്നു. അന്ന് ഇരുവരെയും ഒന്നിച്ചൊരു വേദിയില്‍ കൊണ്ടുവന്നത് രാജ്യമാകെ ചര്‍ച്ച ചെയ്ത കാര്യമായിരുന്നു. അന്ന് തുടങ്ങിയ ബന്ധമാണ്. അത് ഇപ്പോഴും തുടരുന്നു. വിശേഷ ദിവസങ്ങളില്‍ ഇരുവരും ഇങ്ങോട്ടും ഞാന്‍ തിരിച്ചും ഫോണില്‍ വിളിക്കാറുണ്ട്.

ഞാന്‍ സ്ഥാനാര്‍ത്ഥിയായതറിഞ്ഞാണ് ഇരുവരും ഇന്ന് വിഷുദിനത്തില്‍ വീട്ടില്‍ എന്നെ കാണാനെത്തിയത്. എനിക്ക് വോട്ടഭ്യര്‍ത്ഥിച്ച് കൊണ്ടുള്ള ഒരു കേക്കും അന്‍സാരിയും മോച്ചിയും കൂടി മുറിച്ചു.വീട്ടില്‍ നിന്ന് വിഷു സദ്യയും കഴിച്ച് ഇരുവരും മടങ്ങി. ഇനിയുള്ള ദിവസങ്ങളില്‍ എനിക്ക് വേണ്ടി വടകരയില്‍ തെരഞ്ഞെടുപ്പ് പ്രചാരണത്തില്‍ പങ്കെടുക്കാനാണ് ഇവരുടെ തീരുമാനം. സ്‌നേഹത്തിനും പിന്തുണയ്ക്കും നന്ദി....

 

Read more topics: p jayarajan, with gujarat riot,
English summary
p jayarajan with gujarat riot
topbanner

More News from this section

Subscribe by Email