Friday April 26th, 2019 - 1:32:am
topbanner
topbanner

പിരിച്ചുവിട്ട എംപാനല്‍ ജീവനക്കാര്‍ വോട്ട് ചെയ്യില്ല

NewsDesk
 പിരിച്ചുവിട്ട എംപാനല്‍ ജീവനക്കാര്‍ വോട്ട് ചെയ്യില്ല

തിരുവനന്തപുരം: വരുന്ന ലോക്സഭ തെരഞ്ഞെടുപ്പില്‍ വോട്ട് ചെയ്യില്ലെന്ന് കെഎസ്ആര്‍ടിസിയില്‍ നിന്ന് പിരിച്ചുവിട്ട എംപാനല്‍ ജീവനക്കാര്‍. ഇവരുടെ കുടുംബങ്ങളും തെരഞ്ഞെടുപ്പ് ബഹിഷ്‌കരിക്കും.തെരഞ്ഞെടുപ്പ് നടക്കുന്ന ദിവസം സമരം ചെയ്യാനാണ് ഇവരുടെ തീരുമാനമെന്നും സമരം ചെയ്യുന്ന ജീവനക്കാരുടെ പ്രതിനിധി എം ദിനേശ് ബാബു മാധ്യമങ്ങളോട് പറഞ്ഞു. നാലായിരത്തില്‍ അധികം എംപാനല്‍ ജീവനക്കാരാണ് സംഘടനയില്‍ ഉള്ളത്.

കേരള ഹൈക്കോടതിയാണ് ഉത്തരവിലൂടെ എംപാനല്‍ ജീവനക്കാരെ കൂട്ടത്തോടെ പിരിച്ചുവിടാന്‍ സര്‍ക്കാരിന് നിര്‍ദേശം നല്‍കിയത്. കെഎസ്ആര്‍ടിസിയിലെ ഒഴിവുകളിലേക്കുള്ള പിഎസ്‌സി പരീക്ഷ പാസായ ഉദ്യോഗാര്‍ത്ഥികള്‍ നല്‍കിയ പരാതിയെ തുടര്‍ന്നായിരുന്നു കോടതി വിധി.

4,051 പേരുടെ പിഎസ്‌സി ലിസ്റ്റ് നിലനില്‍ക്കേ കരാര്‍ ജീവനക്കാരുമായി കെഎസ്ആര്‍ടിസി സര്‍വ്വീസ് തുടരുകയായിരുന്നു. ഇത് മൂലം പിഎസ്‌സി പരീക്ഷ പാസായിട്ടും തങ്ങള്‍ക്ക് ജോലി കിട്ടുന്നില്ലെന്ന് ഉദ്യോഗാര്‍ത്ഥികള്‍ കോടതിയെ അറിയിച്ചു. ഈ ഹര്‍ജി പരിഗണിച്ച കോടതി ഒരാഴ്ച്ചയ്ക്കകം ഇവരെ പിരിച്ച് വിട്ട് പകരം 4051 പേരുടെ പിഎസ്‌സി ലിസ്റ്റില്‍ നിന്ന് നിയമനം നടത്താന്‍ ഉത്തരവിടുകയായിരുന്നു.

 

English summary
mpanal emlpoyees boycott the election
topbanner

More News from this section

Subscribe by Email