Sunday September 22nd, 2019 - 7:57:am
topbanner
Breaking News
jeevanam

കേരളത്തില്‍ ജൂണ്‍ 6 മുതല്‍ കാലവര്‍ഷം തുടങ്ങും

JB
കേരളത്തില്‍ ജൂണ്‍ 6 മുതല്‍ കാലവര്‍ഷം തുടങ്ങും

തിരുവനന്തപുരം: കേരളത്തില്‍ കാലവര്‍ഷം ഇക്കുറി ജൂണ്‍ 6 മുതലായിരിക്കുമെന്ന് കാലാവസ്ഥാ നിരീക്ഷണ കേന്ദ്രം. ആന്‍ഡമാന്‍ നിക്കോബാര്‍ ദ്വീപുകളില്‍ ഇത്തവണ വളരെ താമസിച്ചാണ് കാലവര്‍ഷം എത്തിയിരിക്കുന്നത്. സാധാരണ വര്‍ഷങ്ങളില്‍ മെയ് പകുതിയോടെ ആന്‍ഡമാനില്‍ കാലവര്‍ഷക്കാറ്റ് ശക്തമാകേണ്ടതായിരുന്നു. മെയ് അവസാനത്തോടെയാണ് ഇപ്പോള്‍ അവിടെ കാലവര്‍ഷം തുടങ്ങിയിരിക്കുന്നത്.

അതിനാല്‍ തന്നെ കേരളത്തില്‍ ജൂണ്‍ 6 മുതല്‍ മഴയെത്തുമെന്നും കാലാവസ്ഥാ നിരീക്ഷണവകുപ്പ് (ഐ.എം.ഡി.) അറിയിച്ചിരിക്കുകയാണ്. എന്നാല്‍ ജൂണ്‍ ആറിനേക്കാളും താമസിച്ചാകും കാലവര്‍ഷം എത്തുന്നതെന്ന് സ്വകാര്യ ഏജന്‍സികള്‍ റിപ്പോര്‍ട്ട് ചെയ്തിട്ടുണ്ട്. ഈവര്‍ഷം വേനല്‍ മഴയും സാധാരണ വര്‍ഷങ്ങളെ അപേക്ഷിച്ച് കുറവായിരുന്നു.

ഇന്ത്യ മുഴുവന്‍ നോക്കിയാല്‍ ഈ വര്‍ഷം 22 ശതമാനത്തോളം വേനല്‍മഴയില്‍ കുറവ് രേഖപ്പെടുത്തിയതായും ഐ.എം.ഡി അറിയിച്ചു. വേനല്‍ മഴ കുറഞ്ഞതോടെ അണക്കെട്ടിലെ ജലനിരപ്പും അപകടകരമായ നിലയില്‍ കുറഞ്ഞിരിക്കുകയാണ്. മാര്‍ച്ച് ഒന്നുമുതല്‍ മെയ് 15 വരെ 75.9 മില്ലീമീറ്റര്‍ മഴയാണ് പെയ്തിട്ടുള്ളത്. സാധാരണ 96.8 മില്ലീമീറ്റര്‍ മഴയാണ് ഈ കാലയളവില്‍ ലഭിക്കാറുള്ളത്. കാലവര്‍ഷം കേരളത്തിലെത്തുന്നതിന് 10 ദിവസം എങ്കിലും വൈകാനാണ് സാധ്യത. കടലില്‍ ഇപ്പോഴും ഉഷ്ണക്കാറ്റായതിനാലാണ് കരയിലും ശക്തമായ ചൂട് അനുഭവപ്പെടുന്നത്. കടലിലെ ചൂട് കുറയാത്തതാണു ന്യൂനമര്‍ദ്ദം വൈകാന്‍ കാരണമായിരിക്കുന്നത്.

 

Viral News

Read more topics: mansoon in kerala, starts june 6,
English summary
mansoon in kerala starts june 6
topbanner

More News from this section

Subscribe by Email