topbanner
Tuesday November 21st, 2017 - 6:07:am
topbanner
Breaking News

മംഗളം ചാനല്‍ ഹണി ട്രാപ്; കുറ്റസമ്മതവുമായി ശശീന്ദ്രനെ കുടുക്കിയ മാധ്യമ പ്രവര്‍ത്തക

NewsDesk
മംഗളം ചാനല്‍ ഹണി ട്രാപ്; കുറ്റസമ്മതവുമായി ശശീന്ദ്രനെ കുടുക്കിയ മാധ്യമ പ്രവര്‍ത്തക

കൊച്ചി: മംഗളം ചാനല്‍ ഹണി ട്രാപ്പുമായി ബന്ധപ്പെട്ട് ചാനലിനെ വെട്ടിലാക്കി മാധ്യമ പ്രവര്‍ത്തകയുടെ വെളിപ്പെടുത്തല്‍. ശശീന്ദ്രനെ കുടുക്കാന്‍ തന്നോട് ആവശ്യപ്പെട്ടതാണെന്നും എന്നാല്‍, പിന്നീട് തന്നെ ചാനല്‍ കൈയ്യൊഴിഞ്ഞെന്നും സൂചിപ്പിക്കുന്ന ഫേസ്ബുക്ക് പോസ്റ്റുമായാണ് അവര്‍ രംഗത്തെത്തിയത്.

ശശീന്ദ്രനെതിരെ പീഡന ആരോപണം ഉന്നയിച്ചവരാണ് മാധ്യമപ്രവര്‍ത്തക. വെളിപ്പെടുത്തലോടെ ശശീന്ദ്രനെതിരായ കേസ് തള്ളപ്പെട്ടേക്കും. ഇതോടെ ശശീന്ദ്രന്‍ വീണ്ടും മന്ത്രിയാകാനുള്ള സാധ്യതയും തെളിയുകയാണ്.

മാധ്യമപ്രവര്‍ത്തകയുടെ ഫേസ്ബുക്ക് പോസ്റ്റ് വായിക്കാം,

 

മംഗളത്തിലേക്ക് ഇനിയൊരു തിരിച്ചുവരവ് തീരെ ആഗ്രഹിച്ചതല്ല. എന്തിനായിരുന്നു അനിയത്തിയെന്നും സഹോദരിയെന്നുമൊക്കെപ്പറഞ്ഞ് കൂടെ നിര്‍ത്തി ചതിച്ചത്? ഒരു തെറ്റു ചെയ്താല്‍ അത് ഏറ്റെടുക്കണം. അല്ലാതെ മറ്റുളളവരുടെ തലയില്‍ വെച്ചു കെട്ടി രക്ഷപ്പെടുകയല്ല ചെയ്യേണ്ടത്. ഓ... അതെങ്ങനെയാ... DGP യും ADGP യും ഒക്കെ സ്വന്തം പോക്കറ്റില്‍ അല്ലേ... അപ്പോള്‍ ആരുടെ തലയില്‍ വെച്ചും രെക്ഷപ്പെടാമല്ലോ അല്ലേ R .ജയചന്ദ്രാ. അന്നു നീ വന്നു കാലു പിടിച്ചില്ലായിരുന്നെങ്കില്‍ മംഗളത്തിലെ സഹപ്രവര്‍ത്തക മറ്റു ചാനലുകളില്‍ പോയി പറഞ്ഞ പോലെ എനിക്കും രക്ഷപ്പെടാമായിരുന്നു. അന്നു നീ പറഞ്ഞത് ഒന്നും സംഭവിക്കില്ല മോളേ എന്നാണ്. ഇനിയൊരാളെയും ഇങ്ങനെ ചതിക്കരുത് .ഇതല്ല മാധ്യമ പ്രവര്‍ത്തനം എന്നു നീ മനസ്സിലാക്കണം.ഓരോ സ്ഥാപനത്തിലും ഓരോരുത്തര്‍ ജോലിക്ക് കയറുന്നത് ഒരു പാട് സ്വപ്നങ്ങളും പ്രതീക്ഷകളുമായിട്ടായിരിക്കും. അതൊക്കെ സ്വന്തം പദവിയും വൃത്തികെട്ട മനസ്സും ഉപയോഗിച്ച് നശിപ്പിക്കരുത്. നിനക്കും ഉള്ളത് ഒരു പെണ്‍കുട്ടിയാണ്. നാളെ അതിനെയും ചതിക്കരുത്. വൈകിയെങ്കിലും ഇങ്ങനെ ഒരു പോസ്റ്റ് ഇട്ടില്ലെങ്കില്‍ നീ കരുതും ഞാന്‍ നിന്നെ പേടിച്ച് ഇരിക്കുകയാണെന്ന്. ആരൊക്കെ വെറുതെ വിട്ടാലും
ദൈവത്തിന്റെ കോടതി നിന്നെ വിടില്ല...

 

English summary
mangalam channel honey trap; journalist facebook post
topbanner topbanner

More News from this section

Subscribe by Email