Monday April 23rd, 2018 - 7:22:am
topbanner

മഞ്ച് നൽകൂ, ഭഗവാൻ പ്രസാദിക്കും : ആലപ്പുഴയിലുണ്ട് ഒരു ക്ഷേത്രം

NewsDesk
മഞ്ച് നൽകൂ, ഭഗവാൻ പ്രസാദിക്കും : ആലപ്പുഴയിലുണ്ട് ഒരു ക്ഷേത്രം

ആലപ്പുഴ: ഇത് ആലപ്പുഴ തണ്ണീർമുക്കം റോഡിലെ തലവടി . റോഡിനോട് ചേർന്നാണ് തെക്കൻ പഴനി എന്ന് കേൾവി കേട്ട ശ്രീ സുബ്രഹ്മണ്യ ക്ഷേത്രം. ക്ഷേത്രത്തോട് ചേർന്ന് നിരവധി കടകളുണ്ട്. എണ്ണയും ചന്ദന തിരിയും കർപ്പൂരവുമൊക്കെ വിൽക്കുന്ന കടകൾ. ഇവിടെയെല്ലാം സ്വിറ്റ്‌സര്‍ലന്‍ഡ് ഫുഡ് കമ്പനിയായ നെസ്‌ലെയുടെ മഞ്ച് ചോക്ലേറ്റ് ധാരാളമായി നിരത്തിയിരിക്കുന്നു.

കാരണം ക്ഷേത്രത്തിലെത്തുന്ന ഭക്തരിൽ ഏറെ പേരും മഞ്ച് വാങ്ങിയാകും ദർശനത്തിന് കയറുക. മുരുക സ്വാമിക്ക് മഞ്ച് വഴിപാട് ഇവിടുത്തെ ഏറ്റവും വലിയ കൗതുകമാണ്. വെടി വഴിപാട്, നിറമാല, തുലാഭാരം എന്നിങ്ങനെ വഴിപാടുകള്‍ നിരവധിയാണ്. എന്നാല്‍ വഴിപാടായി ചോക്ലേറ്റുകള്‍ നല്‍കുന്നത് ഇതാദ്യമായിട്ടായിരിക്കും.

പഴനിക്ക് സമാനമാണ് ആലപ്പുഴ തലവടിയിലെ സുബ്രഹ്മണ്യക്ഷേത്രമെന്നത് വിശ്വാസം. ബാലമുരുകനാണ് ഇവിടുത്തെ പ്രതിഷ്ഠ. അതിമധുരം നിവേദിക്കുന്നത് കൊണ്ടാകാം. കുട്ടികള്‍ ബാലസ്വരൂപത്തിലുള്ള മുരുകനെ മഞ്ച് വച്ച് പ്രാര്‍ത്ഥിക്കുന്നതെന്ന് ക്ഷേത്രം പൂജാരി ഷാജി ശാന്തി പറയുന്നു.

മഞ്ച് കൈയ്യില്ലാതെ കുട്ടികളിൽ പലരും ക്ഷേത്രത്തില്‍ പ്രവേശിക്കാറില്ല. പ്രാര്‍ത്ഥന കഴിഞ്ഞ് പോകുന്നവരുടെ കൈയ്യിലും മഞ്ചാണ് പ്രസാദമായി ഭരണസമിതി കൊടുത്തയക്കാറ്. ദശാബ്ദത്തിലേറെയായി ഇവിടുത്തെ ബാലമുരുകന്‍ മഞ്ച് മുരുകനാണ്.

എന്നാല്‍ ഈ പതിവ് എങ്ങനെയുണ്ടായെന്ന് പൂജാരിക്കും ക്ഷേത്രം ഭരണാധികാരികള്‍ക്കോ അറിവില്ല. എന്നാല്‍ കുട്ടികളുടെ നന്മയ്ക്കായി വര്‍ഷങ്ങള്‍ക്കു മുന്‍പ് ആരോ മഞ്ച് മാല സമര്‍പ്പിച്ചതില്‍ നിന്നാണ് ഈ വഴിപാടിന്റെ തുടക്കമെന്നാണ് വിശ്വാസം.മറ്റൊരു കഥയും ഇതിന് പിന്നിലുണ്ട്.

അന്യ മതത്തില്‍പ്പെട്ട ഒരു കുട്ടി അമ്പലത്തില്‍ കയറുകയും തുടര്‍ന്ന് മാതാപിതാക്കള്‍ നന്നായി ശിക്ഷിക്കുകയും ചെയ്തു. ഇതോടെ കുട്ടിക്ക് മാനസികാസ്വാസ്ഥ്യവും അകാരണമായ ഭീതിയും തുടങ്ങി. തുടര്‍ന്ന് കുട്ടിയുമായി അമ്പലത്തിലെത്തിയ മാതാപിതാക്കളോട് കുട്ടിക്ക് കുറച്ച് പണം നല്‍കി ഇഷ്ടമുള്ളത് വാങ്ങിക്കൊണ്ട് വന്ന് ക്ഷേത്ര നടയില്‍ വെക്കാനാണത്രെ പൂജാരി ആവശ്യപ്പെട്ടത്.

കുട്ടി കൊണ്ടുവന്ന് വച്ചതാകട്ടെ ഒരു മഞ്ചും. തിരിച്ച് വീട്ടിലെത്തിയ കുട്ടിയുടെ അസ്വസ്ഥതയും പേടിയും ഇല്ലാതായി എന്നാണ് കഥ. .ചോക്ലേറ്റ് മാലയും ക്ഷേത്രത്തില്‍ പതിവാണ്. എ്ന്നാല്‍ മഞ്ച് അല്ലാതെ മറ്റൊരു ചോക്ലേറ്റും ഇവിടെ ആരും സമര്‍പ്പിക്കാറില്ല കൗതുകമുണര്‍ത്തുന്നു.

തുലാഭാരം, പറ തുടങ്ങി എല്ലാ ഇനം വഴിപാടിനും മഞ്ച് നേരുന്നവരുണ്ട്. പെട്ടിക്കണക്കിന് ചോക്ലേറ്റാണ് തുലാഭാരത്തിനായി എത്തിക്കുക. മഞ്ച് മുരുകന്റെ ക്ഷേത്രമെന്നാണ് ഇപ്പോള്‍ തെക്കന്‍പഴനി സുബ്രഹ്മണ്യക്ഷേത്രം അറിയപ്പെടുന്നത്.

ഇവിടുത്തെ മുരുകന് മഞ്ചാണ് പ്രിയമെന്ന് ഏതോ ജോത്സ്യൻ ദേവ പ്രശ്നം വെച്ച് പറഞ്ഞത്രേ .അതുകൊണ്ട് തന്നെ , മഞ്ച് അല്ലാതെ മറ്റൊരു ചോകേ്‌ളറ്റും ഇവിടെ ആരും സമര്‍പ്പിക്കാറില്ല എന്നതും ശ്രദ്ധേയമാണ്. മഞ്ച് കൊണ്ട് തുലാഭാരം, മഞ്ച് പറ എന്നിവക്കായി ലോഡ് കണക്കിന് ചോകേ്‌ളറ്റാണ് ഇവിടെ എത്തിക്കുന്നത്.

Read more topics: alappuzha, Thekkan Pazhani, munch,
English summary
Thekkan Pazhanii lord who loves to munch on chocolates

More News from this section

Subscribe by Email