Saturday November 17th, 2018 - 7:30:pm
topbanner

വോട്ട് ചെയ്ത് ജയിപ്പിച്ചത് 'അമ്മ'യുടെ കാര്യം നോക്കാനല്ല; മുകേഷിന് എല്‍ഡിഎഫിന്റെ വിമര്‍ശനം

NewsDesk
വോട്ട് ചെയ്ത് ജയിപ്പിച്ചത് 'അമ്മ'യുടെ കാര്യം നോക്കാനല്ല; മുകേഷിന് എല്‍ഡിഎഫിന്റെ വിമര്‍ശനം

കൊല്ലം: അമ്മയുടെ പത്രസമ്മേളനത്തില്‍ നിലവിട്ട് പെരുമാറിയ മുകേഷ് എംഎല്‍എയ്‌ക്കെതിരെ എല്‍ഡിഎഫ് കൊല്ലം ജില്ലാ കമ്മറ്റി. അമ്മയുടെ ആവശ്യങ്ങള്‍ നിറവേറ്റാനല്ല ജനങ്ങള്‍ മുകേഷിന് വോട്ട് ചെയ്തതെന്ന് എല്‍.ഡി.എഫ് കൊല്ലം ജില്ല കണ്‍വീനര്‍ അനിരുദ്ധന്‍ പറഞ്ഞു.

നടന്‍ ദിലീപിന് അനുകൂലമായ നിലപാട് കേസന്വേഷണത്തെ ബാധിക്കും. ഒരു ജനപ്രതിനിധി ഒരിക്കലും അന്വേഷണത്തിലിരിക്കുന്ന കേസിനെപ്പറ്റി പരസ്യമായി പ്രതികരിക്കരുത്. അന്വേഷണം ആര്‍ക്കെതിരെ നടക്കുന്നുവോ അയാള്‍ കുറ്റക്കാരനല്ലെന്ന് പറയുന്നത് ശരിയല്ല.

അമ്മയുടെ തീരുമാനം അനുസരിച്ച് ദിലീപ് കുറ്റക്കാരനല്ലെന്ന് ഇപ്പോഴെ വിധിച്ചാല്‍ പിന്നെ പൊലീസും കോടതിയും വേണ്ടല്ലോ എന്നും അവരങ്ങ് വിധിച്ചാല്‍ മതിയല്ലോ എന്നും അനിരുദ്ധന്‍ ചോദിച്ചു. അമ്മയുടെ മെംബറാണ് താന്‍, അതുകൊണ്ട് അമ്മ എടുക്കുന്ന തീരുമാനത്തിന് അനുസരിച്ചേ പ്രവര്‍ത്തിക്കുവെന്നു പറഞ്ഞാല്‍ ഒരു ജനപ്രതിനിധിയാകാന്‍ സാധിക്കില്ലെന്നും അനിരുദ്ധന്‍ മാധ്യമങ്ങളോട് പറഞ്ഞു.

Read more topics: ldf, kollam, committee, mukesh
English summary
ldf kollam district committee against mukesh
topbanner

More News from this section

Subscribe by Email