Sunday April 22nd, 2018 - 4:10:am
topbanner

കണ്ണൂര്‍; അമ്മ കുളിപ്പിക്കുന്നതിനിടെ കുഞ്ഞ് കിണറ്റില്‍ വീണു; അയല്‍വാസികള്‍ കിണറ്റില്‍ ചാടി രക്ഷിച്ചു

NewsDesk
കണ്ണൂര്‍; അമ്മ കുളിപ്പിക്കുന്നതിനിടെ കുഞ്ഞ് കിണറ്റില്‍ വീണു; അയല്‍വാസികള്‍ കിണറ്റില്‍ ചാടി രക്ഷിച്ചു

കൂത്തുപറമ്പ്: അമ്മ കുളിപ്പിക്കുന്നതിനിടെ കൈയില്‍നിന്ന് അബദ്ധത്തില്‍ കിണറിലേക്ക് വീണ ഒന്‍പതുമാസം പ്രായമുള്ള കുഞ്ഞിനെ അയല്‍വാസികള്‍ കിണറ്റില്‍ ചാടി രക്ഷിച്ചു.

കഴിഞ്ഞദിവസം ഉച്ചയോടെ മമ്പറം പറമ്പായി കുഴിയില്‍പീടികയില്‍ ഷക്കീന മന്‍സിലില്‍ റയ്സലിന്റെയും സറീനയുടെയും മകന്‍ അഫാസാണ് കിണറ്റില്‍ വീണത്. സമീപവാസികളായ ഷഫീര്‍, മുഹമ്മദ് എന്നിവര്‍ ചേര്‍ന്നാണ് രക്ഷപ്പെടുത്തിയത്.

ഇടതുകൈയില്‍ കുഞ്ഞിനെ ഉയര്‍ത്തിപ്പിടിച്ച് കുനിഞ്ഞിരുന്ന് വലതുകൈകൊണ്ട് സോപ്പെടുക്കുമ്പോള്‍ മാതാവിന്റെ കൈയില്‍നിന്ന് വഴുതി കിണറില്‍
വീഴുകയായിരുന്നു.

18 കോല്‍ ആഴമുള്ള കിണറില്‍ ഏഴുകോലോളം വെള്ളമുണ്ടായിരുന്നു. സമീപത്തെ പറമ്പില്‍ ജോലി ചെയ്യുകയായിരുന്ന ഷഫീറും മുഹമ്മദും സറീനയുടെ കരച്ചില്‍കേട്ട് ഓടിയെത്തി. സംഭവമറിഞ്ഞ് ഇവര്‍ കിണറിലേക്ക് എടുത്തുചാടി. വെള്ളത്തിലേക്ക് താണുപോകുകയായിരുന്ന കുഞ്ഞിനെ രക്ഷപ്പെടുത്തി കരയ്ക്കെത്തിച്ചു.

രക്ഷാപ്രവര്‍ത്തനത്തിനിടെ കൈക്ക് പരിക്കേറ്റ ഇരുവരെയും കൂത്തുപറമ്പ് അഗ്‌നിരക്ഷാസേനയിലെ ലീഡിങ് ഫയര്‍മാന്‍ കെ.കെ.ദിലീഷും സംഘവും ചേര്‍ന്ന് കരയ്ക്കെത്തിച്ചു. ശ്രീകാന്ത് പവിത്രന്‍, കെ.ശിവപ്രസാദ്, രാഗേഷ് തോട്ടത്തി, കെ.ടി.സുകുമാരന്‍, ടി.വി.സനേഷ് കുമാര്‍, പി.സുരേന്ദ്രന്‍ തുടങ്ങിയവര്‍ രക്ഷാപ്രവര്‍ത്തനത്തിന് നേതൃത്വം നല്‍കി.

സ്വജീവന്‍ അവഗണിച്ചും കുഞ്ഞിനെ രക്ഷിച്ച ഷഫീറിനെയും മുഹമ്മദിനെയും നാട്ടുകാര്‍ അഭിനന്ദിച്ചു. പരിക്കേറ്റ കുഞ്ഞിനെ തലശ്ശേരി ഇന്ദിരാഗാന്ധി സഹകരണാശുപത്രിയില്‍ പ്രവേശിപ്പിച്ചു.

Read more topics: kannur, child, well
English summary
kannur: 9 months old child falls in well, saved

More News from this section

Subscribe by Email