Sunday September 23rd, 2018 - 9:49:pm
topbanner

ജിമിക്കി കമ്മലിനെ കീറിമുറിച്ച സംഭവം ; അഭിപ്രായ പ്രകടനവുമായി എഴുത്തുകാരി ശാരദക്കുട്ടി

RAsh
ജിമിക്കി കമ്മലിനെ കീറിമുറിച്ച സംഭവം ; അഭിപ്രായ പ്രകടനവുമായി എഴുത്തുകാരി ശാരദക്കുട്ടി

ജിമിക്കി കമ്മലിനെ കീറിമുറിച്ച ഡിവൈഎഫ്‌ഐ നേതാവ് ചിന്താ ജെറോമിനെതിരെ സോഷ്യല്‍ മീഡിയയില്‍ രൂക്ഷ വിമര്‍ശങ്ങള്‍ ഇടവിടാതെ ഉയരുകയാണ്. ട്രോളുകള്‍ക്ക് പിന്നാലെ സിനിമാ, സാംസ്‌കാരിക രംഗത്തെ പ്രമുഖരും രംഗത്ത് വന്നിരുന്നു. ഇതേക്കുറിച്ച് അഭിപ്രയപ്രകടനവുമായി രംഗത്തെത്തിയിരിക്കുകയാണ് എഴുത്തുകാരി ശാരദക്കുട്ടി. പദവികളിലിരിക്കുമ്പോള്‍ അതിന്റെ പാകത കാണിച്ചില്ലെങ്കില്‍ പരിഹസിക്കപ്പെട്ടേക്കാമെന്നാണ് ശാരദക്കുട്ടി തന്റെ ഫേസ്ബുക്ക് പേജില്‍ കുറിച്ചത്.

ശാരദക്കുട്ടിയുടെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം
‘ഈ നാടിനൊരു പാരമ്പര്യമുണ്ട്. പര്‍ണ്ണാശ്രമങ്ങളിലൂടെ തഴച്ചു വളര്‍ന്ന് ആസേതു ഹിമാചലം വരെ പടര്‍ന്നു പന്തലിച്ച് കിടക്കുന്ന ആര്‍ഷഭാരത സംസ്‌കാരം. ആര്‍ഷഭാരത സംസ്‌കാരത്തിന്റെ പ്രത്യേകത എല്ലാ വൈവിധ്യങ്ങളെയും ഉള്‍ക്കൊള്ളുക എന്നതാണ്. എല്ലാ വ്യത്യസ്തതകളെയും ഉള്‍ക്കൊള്ളുക എന്നതാണ്.

ഇതു പറഞ്ഞത് ശശികലയല്ല. ശോഭാ സുരേന്ദ്രനുമല്ല. വിപ്ലവപാര്‍ട്ടി വളര്‍ത്തിയ കുഞ്ഞാടാണ്. ഇതു കേള്‍ക്കാതെ ജിമിക്കിക്കമ്മലും സെല്‍ഫിയും സെലക്ട് ചെയ്ത് ചര്‍ച്ച ചെയ്യുന്നത്, ആന ചോരുന്നത് കാണാതെ എള്ളു ചോരുന്നേ എന്നു നിലവിളിക്കുന്നതിനു തുല്യമാണ്. വലിയ പദവികളിലൊക്കെ ഇരിക്കുമ്പോള്‍ അതിന്റെ പാകത കാണിച്ചില്ലെങ്കില്‍ പരിഹസിക്കപ്പെട്ടേക്കാം. സോഷ്യല്‍ മീഡിയ സജീവമായ കാലത്ത് അത് സ്വാഭാവികമാണ്’.

English summary
jimikki kammal issue, social media, ezhuthukari
topbanner

More News from this section

Subscribe by Email