topbanner
Friday March 24th, 2017 - 11:14:pm
topbanner

സോളാര്‍ കേസ്; ഉമ്മന്‍ ചാണ്ടിയെ നേരിട്ട് വിസ്തരിക്കാന്‍ സരിതയ്ക്ക് അനുമതി

NewsDesk
സോളാര്‍ കേസ്; ഉമ്മന്‍ ചാണ്ടിയെ നേരിട്ട് വിസ്തരിക്കാന്‍ സരിതയ്ക്ക് അനുമതി

കൊച്ചി: സോളാര്‍ തട്ടിപ്പ് കേസില്‍ പ്രതിയായ സരിത നായര്‍ക്ക് മുന്‍ മുഖ്യമന്ത്രി ഉമ്മന്‍ ചാണ്ടിയെ വിസ്തരിക്കുന്നതിന് അനുമതി നല്‍കി. ഉമ്മന്‍ ചാണ്ടിയെ നേരിട്ട് വിസ്തരിക്കാന്‍ അനുവദിക്കണമെന്ന സരിതയുടെ ആവശ്യം അംഗീകരിച്ചു കൊണ്ടാണ് ജസ്റ്റീസ് ജി. ശിവരാജന്‍ അധ്യക്ഷനായ സോളാര്‍ കമ്മീഷന്റെ നടപടി.

ഉമ്മന്‍ ചാണ്ടിയെ രണ്ടാം തവണയും സോളാര്‍ കമ്മീഷന്‍ വിസ്തരിക്കുകയാണ്. മുന്‍ എം.പി അബ്ദുള്ളക്കുട്ടിക്കെതിരെ സരിത നല്‍കിയ ലൈംഗീകരോപണ പരാതിയെ കുറിച്ച് അറിയാമെന്ന് ഉമ്മന്‍ ചാണ്ടി മൊഴി നല്‍കി.

പക്ഷേ പരാതിയില്‍ എന്തു നടപടി സ്വീകരിച്ചുവെന്ന് ഇപ്പോള്‍ വെളിപ്പെടുത്താനാവില്ലെന്നും അദ്ദേഹം പറഞ്ഞു. എല്‍ഡിഎഫ് സര്‍ക്കാര്‍ അധികാരത്തില്‍ വന്ന ശേഷം സരിത നല്‍കിയ പരാതിയെ കുറിച്ചും അറിയാം. എന്നാല്‍ അന്വേഷണം നടക്കുന്നുണ്ടോ എന്ന് അറിയില്ലെന്നും ഉമ്മന്‍ ചാണ്ടി സോളാര്‍ കമ്മീഷനു മുമ്പാകെ പറഞ്ഞു.

നേരത്തെയും ഉമ്മന്‍ ചാണ്ടിയെ സോളാര്‍ കമ്മീഷന്‍ വിസ്തരിച്ചിരുന്നു. ഡിസംബര്‍ 23ന് വിസ്തരിച്ചപ്പോള്‍ ആരോപണങ്ങള്‍ എല്ലാം അദ്ദേഹം നിഷേധിച്ചിരുന്നു. എമര്‍ജിംഗ് കേരളയില്‍ ടീം സോളാര്‍ പ്രോജക്ട് ഇല്ലായിരുന്നെന്നും തന്റെ പേരില്‍ വ്യാജകത്ത് ഉപയോഗിച്ച് ക്രമക്കേട് നടത്തിയവര്‍ക്കെതിരെ നടപടി എടുത്തുവെന്നും ഉമ്മന്‍ ചാണ്ടി പറഞ്ഞിരുന്നു.

Read more topics: Solar, scam, Kerala, CM, Oommen Chandy
English summary
Solar scam: Former Kerala CM Oommen Chandy cross-examined
topbanner topbanner

More News from this section

Subscribe by Email