Sunday November 18th, 2018 - 3:05:am
topbanner

പത്തനംതിട്ട ജില്ലയയിലെ രക്ഷാപ്രവര്‍ത്തനം പൂര്‍ത്തിയായി വരുന്നു: ജില്ലാ കളക്ടര്‍

bincy
പത്തനംതിട്ട ജില്ലയയിലെ രക്ഷാപ്രവര്‍ത്തനം പൂര്‍ത്തിയായി വരുന്നു: ജില്ലാ കളക്ടര്‍

പത്തനംതിട്ട : രക്ഷാപ്രവര്‍ത്തനം വളരെ വേഗത്തിൽ തന്നെ പൂര്‍ത്തിയായി വരുന്നതായി ജില്ലാ കളക്ടര്‍ പി.ബി. നൂഹ് പറഞ്ഞു. വളരെ ചുരുക്കം ആളുകളെയാണ് ഇനി രക്ഷപ്പെടുത്താനുള്ളത് ഇന്നു കൊണ്ട് രക്ഷാപ്രവര്‍ത്തനം പൂര്‍ത്തീകരിക്കാന്‍ കഴിയും.  ഹെലികോപ്ടറും ബോട്ടുകളും മുഖേന പ്രളയക്കെടുതിക്കിരയായവര്‍ക്കുള്ള ഭക്ഷണ വിതരണം നടത്തി വരുകയാണ്. ബോട്ട് എത്താത്ത സ്ഥലങ്ങളിലാണ് ഹെലികോപ്ടര്‍ ഉപയോഗിച്ചുള്ള ഭക്ഷണ വിതരണം.

ക്യാമ്പുകളുടെ പ്രവര്‍ത്തനം കാര്യക്ഷമമാണെന്ന് ഉറപ്പാക്കുന്നതിന് രണ്ട് ഓഫീസര്‍മാരെ വീതം എല്ലാ ക്യാമ്പിലും നിയമിച്ചിട്ടുണ്ട്. ഇന്ന് എയര്‍ഫോഴ്‌സിന്റെ രണ്ടും ഒഎന്‍ജിസിയുടെ ഒരു ഹെലികോപ്ടറും രക്ഷാപ്രവര്‍ത്തനത്തിനും ഭക്ഷണ വിതരണത്തിനുമായി വിന്യസിച്ചിട്ടുണ്ട്. അപ്പര്‍ കുട്ടനാട്ടിലെ നിരണം, കടപ്ര, പെരിങ്ങര എന്നിവിടങ്ങളിലും കോഴഞ്ചേരി താലൂക്കിലെ ആറാട്ടുപുഴയിലും ശബരിമലയിലും ഭക്ഷണ വിതരണം നടത്തും.

ഫുഡ് ഹബ്ബുകളില്‍ വരുന്ന അവശ്യവസ്തുക്കള്‍ വേര്‍ തിരിച്ച് ആവശ്യാനുസരണം ജില്ലയിലെ ദുരിതാശ്വാസ ക്യാമ്പുകളില്‍ എത്തിക്കുന്നതിന് സന്നദ്ധ പ്രവര്‍ത്തകരും സര്‍ക്കാര്‍ ഉദ്യോഗസ്ഥരും അടങ്ങുന്ന സംവിധാനം ഫലപ്രദമായി പ്രവര്‍ത്തിച്ചുവരുകയാണെന്നും കളക്ടര്‍ പറഞ്ഞു. ദുരിതാശ്വാസ ക്യാമ്പുകളുടെ പ്രവര്‍ത്തന മികവ് ഉറപ്പാക്കുന്നതിന് പ്രത്യേക സംവിധാനം പത്തനംതിട്ട ജില്ലയിലെ ദുരിതാശ്വാസ ക്യാമ്പുകളില്‍ കഴിയുന്നവര്‍ക്ക് അവശ്യവസ്തുക്കള്‍ ഉള്‍പ്പെടെ സഹായം എത്തിക്കുന്നതിനും പ്രവര്‍ത്തനം മികച്ചതാണെന്ന് ഉറപ്പാക്കുന്നതിനും പ്രത്യേക സംവിധാനം എര്‍പ്പെടുത്തിയതായി ജില്ലാ കളക്ടര്‍ പി.ബി. നൂഹ് പറഞ്ഞു.

ഓരോ ക്യാമ്പിന്റെയും പ്രവര്‍ത്തനം ഫലപ്രദമാണെന്ന് ഉറപ്പാക്കുന്നതിന് ഉദ്യോഗസ്ഥരെ നിയമിക്കുന്ന നടപടി പൂര്‍ത്തിയായതായും അദ്ദേഹം പറഞ്ഞു. ഇന്നു മുതല്‍ ക്യാമ്പുകളുടെ നടത്തിപ്പ് ചുമതല ഇവര്‍ക്കായിരിക്കും. ക്യാമ്പുകളിലേക്ക് ആവശ്യമായ ഭക്ഷണം അതത് താലൂക്കിന്റെ ഹബില്‍ നിന്നും എത്തിക്കും. ക്യാമ്പുകളില്‍ ആവശ്യമായ വൈദ്യസഹായം അതത് മെഡിക്കല്‍ നോഡല്‍ ഓഫീസറുടെ ചുമതലയില്‍ നല്‍കും. ഇതുള്‍പ്പെടെ ക്യാമ്പുകളിലേക്ക് ആവശ്യമായ എല്ലാ സഹായങ്ങളും ക്യാമ്പ് ഓഫീസര്‍മാര്‍ ലഭ്യമാക്കും.

ഇതിനു പുറമേ, ഈ കാര്യങ്ങള്‍ കൃത്യമായി നടക്കുന്നുണ്ടോയെന്ന് നിരീക്ഷിക്കുന്നതിനും ക്യാമ്പുകളുടെ പ്രത്യേക ആവശ്യങ്ങള്‍ മനസിലാക്കുന്നതിനും കേന്ദ്രീകൃതമായ കാര്യങ്ങളെക്കുറിച്ച് തീരുമാനമെടുക്കാനും പ്രത്യേക സംഘത്തെ നിയോഗിച്ചു. 26 ഗ്രൂപ്പുകളായി 52 ഉദ്യോഗസ്ഥരെയാണ് ക്യാമ്പ് സന്ദര്‍ശിക്കുന്നതിന് അയച്ചത്. വൈകിട്ട് അഞ്ചുവരെയുള്ള സമയം ഈ ടീം ക്യാമ്പുകള്‍ സന്ദര്‍ശിച്ച് പ്രവര്‍ത്തനം വിലയിരുത്തും.

ഭക്ഷണവും മറ്റ് അവശ്യവസ്തുക്കളും ലഭിച്ചോ തുടങ്ങിയ വിവരങ്ങള്‍ പരിശോധിക്കും. ഇതിന്റെ അടിസ്ഥാനത്തില്‍ തയാറാക്കുന്ന റിപ്പോര്‍ട്ട് വൈകിട്ട് ആറിന് ജില്ലാ കളക്ടര്‍ക്ക് സമര്‍പ്പിക്കും. ഈ റിപ്പോര്‍ട്ട് പരിശോധിച്ച് ക്യാമ്പുകളില്‍ താമസിക്കുന്നവര്‍ക്കുള്ള അധിക സഹായങ്ങളും, പ്രത്യേക പ്രശ്‌നങ്ങളുണ്ടെങ്കില്‍ അതു പരിഹരിക്കുന്നതിനുള്ള നടപടികളും കൈക്കൊള്ളും.

ഇതാദ്യമായാണ് ക്യാമ്പുകളുടെ പ്രവര്‍ത്തനം വിലയിരുത്തുന്നതിന് കേന്ദ്രീകൃത ടീമിനെ അയയ്ക്കുന്നത്. നിലവില്‍ ആളിനെ ക്യാമ്പില്‍ പോസ്റ്റു ചെയ്യുക, ക്യാമ്പിലേക്കു ഭക്ഷണവും മറ്റ് അവശ്യവസ്തുക്കളും എത്തിക്കുക, വില്ലേജ് ഓഫീസറുടെ നേതൃത്വത്തില്‍ ക്യാമ്പ് കൈകാര്യം ചെയ്യുക തുടങ്ങിയ നടപടികള്‍ക്കു പുറമേയാണ് ഏറ്റവും മികച്ച പ്രവര്‍ത്തനം ഉറപ്പാക്കുന്നതിന് പ്രത്യേക ടീമിനെ നിയോഗിച്ചത്.

English summary
floods The rescue operation in Pathanamthitta district is complete: District Collector
topbanner

More News from this section

Subscribe by Email