Thursday April 25th, 2019 - 1:39:am
topbanner
topbanner

ക്യാമ്പിലെ കുട്ടികള്‍ക്ക് അതിസാരം: ഗായിക രഞ്ജിനി ജോസിന്റെ വ്യാജ പ്രചരണത്തിന് കേസെടുക്കും

fasila
ക്യാമ്പിലെ കുട്ടികള്‍ക്ക് അതിസാരം: ഗായിക രഞ്ജിനി ജോസിന്റെ വ്യാജ പ്രചരണത്തിന് കേസെടുക്കും

കൊച്ചി: ഗായിക രഞ്ജിനി ജോസിനെതിരെ പൊലീസ് കേസെടുക്കും. തൃപ്പൂണിത്തുറ ബോയ്‌സ് സ്‌കൂളില്‍ പ്രവര്‍ത്തിക്കുന്ന ദുരിതാശ്വാസ ക്യാമ്പിൽ കുട്ടികള്‍ക്ക് അതിസാരമുണ്ടെന്ന് പ്രചരിപ്പിച്ചതിനാണ് കേസ്. ക്യാമ്പ് സന്ദര്‍ശനത്തിനു ശേഷമാണ് ഗായിക വ്യാജ പ്രചരണവുമായി ഫെയ്‌സ്ബുക്ക് വീഡിയോ ലൈവുമായി എത്തിയത്.

കുട്ടികള്‍ക്ക് അതിസാരം പിടിച്ചെന്നും അതുകൊണ്ട് പെട്ടെന്ന് ദഹിക്കുന്ന ഭക്ഷണം ലഭ്യമാക്കണമെന്നുമായിരുന്നു ഗായികയുടെ പ്രചരണം. ഇത് വ്യാപകമായി പ്രചരിച്ചതോടെയാണ് നാട്ടുകാര്‍ പ്രതിഷേധവുമായി രംഗത്തെത്തിയത്. തുടര്‍ന്ന് തൃപ്പൂണിത്തുറ നഗരസഭാ സെക്രട്ടറി പൊലീസില്‍ പരാതി നല്‍കുകയായിരുന്നു.

ഗായികയുടെ പ്രചരണം ശ്രദ്ധയില്‍പ്പെട്ട എം സ്വരാജ് എംഎല്‍എ ക്യാമ്പിലെത്തി ഗായികയ്‌ക്കെതിരെ രൂക്ഷമായി വിമര്‍ശനം ഉന്നയിച്ചിരുന്നു. മലീമസമായ മനസുള്ള, ദുരന്തമുഖത്ത് നില്‍ക്കുന്ന മനുഷ്യര്‍ക്കിടയിലേക്ക് വിഷം വമിക്കുന്നവരെ കരുതിയിരിക്കണമെന്ന് എം സ്വരാജ് എംഎല്‍എ പറഞ്ഞു. ഈ നാട് ഒറ്റക്കെട്ടായി, കക്ഷിരാഷട്രീയത്തിനതീതമായി ഈ ദുരന്തത്തെ നേരിടുകയാണെന്നും അദ്ദേഹം വ്യക്തമാക്കി.

English summary
fake propaganda: case against singer Renjini Jose
topbanner

More News from this section

Subscribe by Email