Sunday July 21st, 2019 - 12:18:pm
topbanner
topbanner

ദീപ നിശാന്തിന് എതിരെ തെരഞ്ഞെടുപ്പ് കമ്മീഷന് പരാതി

NewsDesk
 ദീപ നിശാന്തിന് എതിരെ തെരഞ്ഞെടുപ്പ് കമ്മീഷന് പരാതി

തൃശൂര്‍: കോപ്പിയടി വിവാദത്തില്‍ ഉള്‍പ്പെട്ട കോളേജ് അധ്യാപികയും എഴുത്തുകാരിയുമായ ദീപ നിശാന്തിനെതിരെ തെരഞ്ഞെടുപ്പ് കമ്മിഷന് പരാതി നല്‍കി അനില്‍ അക്കര എംഎല്‍എ.ആലത്തൂരിലെ യുഡിഎഫ് സ്ഥാനാര്‍ത്ഥി രമ്യ ഹരിദാസിനെ ജാതീയമായും വ്യക്തിപരമായും അധിക്ഷേപിച്ചെന്നാരോപിച്ചാണ് മുഖ്യ തിരഞ്ഞെടുപ്പ് ഓഫീസര്‍ ആയ ടീക്കാ റാം മീണയ്ക്ക് അനില്‍ അക്കര പരാതി നല്‍കിയത്.

എതിര്‍ സ്ഥാനാര്‍ഥിക്ക് കൂടുതല്‍ വോട്ട് ലഭിക്കാനാണ് രമ്യ ഹരിദാസിനെതിരെ ദീപ നിശാന്ത് അധിക്ഷേപം നടത്തിയത്. ഇവര്‍ക്ക് എതിരെ ജനപ്രാതിനിധ്യ നിയമമനുസരിച്ച് നടപടി സ്വീകരിക്കണം എന്ന് പരാതിയില്‍ പറയുന്നു.

സ്ഥാനാര്‍ത്ഥി ഏതു വിഭാഗത്തില്‍പ്പെട്ട ആളാണെന്ന് കൂടുതല്‍ വ്യക്തമാകുന്ന തരത്തില്‍ ഉപയോഗിക്കാന്‍ പാടില്ലാത്ത പദങ്ങള്‍ ഉപയോഗിച്ചെന്നും അനില്‍ അക്കര ആരോപിക്കുന്നു.

നന്നായി പാട്ടു പാടുന്നതും ഡാന്‍സ് കളിക്കുന്നതുമല്ല തെരഞ്ഞെടുപ്പില്‍ മാനദണ്ഡമെന്നും ഇത് ജനപ്രതിനിധികളെ തെരഞ്ഞെടുക്കുന്ന തെരഞ്ഞെടുപ്പാണെന്നുമായിരുന്നു ദീപ നിശാന്തിന്റെ വിമര്‍ശനം. രമ്യ തെരഞ്ഞെടുക്കപ്പെട്ടാല്‍ ലോക് സഭയിലെത്തുന്ന ആദ്യ ദളിത് എംപിയാകുമെന്നത് തെറ്റാണെന്നും സിപിഐയുടെ ഭാര്‍ഗവി തങ്കപ്പനാണ് ആദ്യ ദളിത് എംപിയെന്നും ദീപ നിശാന്ത് ഫേസ്ബുക്ക് പോസ്റ്റില്‍ ചൂണ്ടിക്കാണിച്ചിരുന്നു.

 

English summary
deepa nishat aganist election commissio case
topbanner

More News from this section

Subscribe by Email