Monday November 19th, 2018 - 6:29:am
topbanner

ബന്ധുനിയമന വിവാദത്തില്‍ മന്ത്രി ജലീല്‍ രാജിവെക്കേണ്ട സാഹചര്യമില്ലെന്ന് സിപിഎം സെക്രട്ടേറിയറ്റ്

JB
ബന്ധുനിയമന വിവാദത്തില്‍ മന്ത്രി ജലീല്‍ രാജിവെക്കേണ്ട സാഹചര്യമില്ലെന്ന് സിപിഎം സെക്രട്ടേറിയറ്റ്

തിരുവനന്തപുരം: സംസ്ഥാന ന്യൂനപക്ഷ ധനകാര്യ കോര്‍പ്പറേഷനില്‍ അനധികൃതമായി ബന്ധുവിനെ നിയമിച്ചെന്ന വിവാദത്തില്‍ മന്ത്രി കെടി ജലീലിനെ പിന്തുണച്ച് സിപിഎം. നിലവില്‍ മന്ത്രി രാജി വെക്കേണ്ട സാഹചര്യമില്ലെന്ന് സിപിഎം സെക്രട്ടേറിയറ്റ് വിലയിരുത്തിയതായാണ് റിപ്പോര്‍ട്ട്. നിയമനത്തില്‍ തെറ്റ് പറ്റിയിട്ടില്ലെന്നും പരാതിയുള്ളവര്‍ക്ക് കോടതിയില്‍ പോകാമെന്നും സെക്രട്ടേറിയറ്റ് വ്യക്തമാക്കി.

സംസ്ഥാന ന്യൂനപക്ഷ ധനകാര്യ കോര്‍പ്പറേഷനില്‍ യോഗ്യതയില്‍ ഇളവ് വരുത്തി പിതൃസഹോദര പുത്രനെ അനധികൃതമായി നിയമിച്ചു എന്നാണ് മന്ത്രിക്കെതിരായ ആരോപണം. യൂത്ത് ലീഗ് നേതാവ് പികെ ഫിറോസാണ് മന്ത്രിക്കെതിരെ ആരോപണവുമായി രംഗത്തെത്തിയത്. അതേസമയം നിയമനവുമായി ബന്ധപ്പെട്ട് അനധികൃതമായി ഒന്നും ചെയ്തിട്ടില്ലെന്നും നിയമപരമായി മാത്രമാണ് നിയമനം നടന്നതെന്നും മന്ത്രി കെടി ജലീല്‍ നേരത്തേ വ്യക്തമാക്കിയിരുന്നു. ഇതിന് പിന്നാലെയാണ് പാര്‍ട്ടിയും ജലീലിന് പിന്തുണ പ്രഖ്യാപിച്ചിരിക്കുന്നത്.

English summary
cpm support kt jaleel in nepotism issue
topbanner

More News from this section

Subscribe by Email