Saturday May 25th, 2019 - 1:53:pm
topbanner
topbanner

ഹര്‍ത്താലില്‍ പാലക്കാട്ട് വ്യാപക ആക്രമണം; സിപിഐ ജില്ലാകമ്മിറ്റി ഓഫീസ് തകര്‍ത്തു

JB
ഹര്‍ത്താലില്‍ പാലക്കാട്ട് വ്യാപക ആക്രമണം; സിപിഐ ജില്ലാകമ്മിറ്റി ഓഫീസ് തകര്‍ത്തു

പാലക്കാട്: സംസ്ഥാനത്ത് ശബരിമല കര്‍മ്മസമിതിയും ബിജെപിയും പ്രഖ്യാപിച്ച ഹര്‍ത്താലില്‍ പാലക്കാട്ട് വ്യാപക ആക്രമണം. പാലക്കാട് സിപിഐ ജില്ലാകമ്മിറ്റി ഓഫീസിന് നേരെ ആക്രമണം ഉണ്ടായി. ഓഫീസിനു മുന്നില്‍ പാര്‍ക്ക് ചെയ്ത നിരവധി വാഹനങ്ങള്‍ പ്രതിഷേധക്കാര്‍ തകര്‍ത്തു.

അതേസമയം പാലക്കാട്ട് കല്ലേറില്‍ നിരവധി പേര്‍ക്ക് പരിക്കുപറ്റിയിട്ടുണ്ട്. കെഎസ്ആര്‍ടിസി ബസുകള്‍ക്കും സ്വകാര്യ വാഹനങ്ങള്‍ക്കു നേര്‍ക്കും ഹര്‍ത്താല്‍ അനുകൂലികള്‍ ആക്രമണം നടത്തുന്നുണ്ട്.

പാലക്കാട്ട് നിരവധി മാധ്യമ പ്രവര്‍ത്തകര്‍ക്കും പരിക്കു പറ്റിയിട്ടുണ്ട്. ഏഷ്യാനെറ്റ് ന്യൂസ് റിപ്പോര്‍ട്ടര്‍ ശ്രീധരന്‍ കുറിയേടത്ത്, മാതൃഭൂമി ന്യൂസ് റിപ്പോര്‍ട്ടര്‍ പ്രസാദ് എന്നിവര്‍ക്ക് കുപ്പിയേറില്‍ പരിക്കേറ്റു.

ശബരിമല കര്‍മ്മ സമിതിയും ബിജെപിയുടെയും നേതൃത്വത്തില്‍ നടന്ന മാര്‍ച്ച് വിക്ടോറിയ കോളേജിനു മുന്നില്‍ പോലീസ് തടഞ്ഞു. രാവിലെ പത്തരയോടെയാണ് പ്രതിഷേധം പ്രകടനം ആരംഭിച്ചത്. എന്നാല്‍ പോലീസിന്റെയും ആര്‍ഡിഒയുടെയും അഭ്യര്‍ത്ഥനമാനിച്ച് പ്രതിഷേധക്കാര്‍ മാര്‍ച്ച് അവസാനിപ്പിച്ചിട്ടുണ്ട്. സിപിഎം ബിജെപി പ്രവര്‍ത്തകരും നേരിട്ട് ഏറ്റുമുട്ടുകയായിരുന്നു. ഇത് തുടരുന്ന സാഹചര്യത്തിലാണ് പോലീസ് പ്രശ്‌ന പരിഹാരത്തിനായി ശ്രമം തുടങ്ങിയത്. എന്നാല്‍ സ്ഥലത്ത് വീണ്ടും സംഘര്‍ഷ സാധ്യത നിലനില്‍ക്കുകയാണ്.

 

Read more topics: cpi, office attacked, in palakkad,
English summary
cpi office attacked in palakkad
topbanner

More News from this section

Subscribe by Email