Tuesday March 26th, 2019 - 8:01:am
topbanner
topbanner

ഇടുക്കിക്കായി ഡീന്‍ കുര്യാക്കോസും ജോസഫ് വാഴയ്ക്കും; വയനാടിനായി ടി സിദ്ദിഖും കെപി അബ്ദുള്‍ മജീദും; കോണ്‍ഗ്രസില്‍ ഗ്രൂപ്പ് തര്‍ക്കം രൂക്ഷം

JB
ഇടുക്കിക്കായി ഡീന്‍ കുര്യാക്കോസും ജോസഫ് വാഴയ്ക്കും; വയനാടിനായി ടി സിദ്ദിഖും കെപി അബ്ദുള്‍ മജീദും; കോണ്‍ഗ്രസില്‍ ഗ്രൂപ്പ് തര്‍ക്കം രൂക്ഷം

ന്യൂഡല്‍ഹി: കോണ്‍ഗ്രസ് സ്ഥാനാര്‍ഥി പട്ടികയെ ചൊല്ലി കോണ്‍ഗ്രസില്‍ ഗ്രൂപ്പ് തര്‍ക്കം രൂക്ഷം. ഇടുക്കി, വയനാട് മണ്ഡലങ്ങള്‍ സംബന്ധിച്ചാണ് തര്‍ക്കം തുടരുന്നത്. മുതിര്‍ന്ന സ്ഥാനാര്‍ഥികള്‍ മത്സരിക്കണമെന്ന കാര്യത്തിലും തീരുമാനമായിട്ടില്ല. ഉമ്മന്‍ചാണ്ടിയും കെസി വേണുഗോപാലും സ്ഥാനാര്‍ഥിയാകണമെന്നാണ് ഒരു വിഭാഗത്തിന്റെ ആവശ്യം.

വയനാട്ടില്‍ ടി സിദ്ദിഖിനെ സ്ഥാനാര്‍ഥിയാക്കണമെന്നാണ് എ ഗ്രൂപ്പിന്റെ ആവശ്യം. എന്നാല്‍ ഐ ഗ്രൂപ്പ് കെപി അബ്ദുള്‍ മജീദിനെ സ്ഥാനാര്‍ത്ഥിയാക്കണമെന്ന് ആവസ്യവുമായി രംഗത്തെത്തി. ഇടുക്കിയില്‍ ഡീന്‍ കുര്യാക്കോസിന് വേണ്ടിയാണ് എ ഗ്രൂപ്പ് രംഗത്തെത്തിയിരുക്കുന്നത്. ഇത് അംഗീകരിക്കാനാകില്ലെന്നും ജോസഫ് വാഴയ്ക്കനെ പരിഗണിക്കണമെന്ന് ഐ ഗ്രൂപ്പും ആവശ്യപ്പെടുന്നു. സിറ്റിംഗ് സീറ്റ് വിട്ടുനല്‍കാനാകില്ലെന്നാണ് ഐ ഗ്രൂപ്പിന്റെ തീരുമാനം.

വടകരയില്‍ രാജ് മോഹന്‍ ഉണ്ണിത്താന്റെ പേരാണ് അവസാനമായി പരിഗണിക്കുന്നത്. മധ്യകേരളത്തിലെ മൂന്ന് സീറ്റുകളില്‍ ഉമ്മന്‍ചാണ്ടിയുടെ സാന്നിധ്യം അനിവാര്യമാണെന്ന് നേതാക്കള്‍ ദേശീയ നേതൃത്വത്തെ അറിയിച്ചു. എറണാകുളം മണ്ഡലത്തിലെ സ്ഥാനാര്‍ഥിയെ ചൊല്ലിയും അനശ്ചിതത്വം തുടരുകയാണ്. ഗ്രൂപ്പ് വ്യത്യാസമില്ലാതെ എറണാകുളത്ത് ഹൈബിയുടെ പേരാണ് അന്തിമപട്ടികയില്‍ ഉള്ളത്.

സ്ഥാനാര്‍ഥിയുടെ കാര്യത്തില്‍ തീരുമാനമാകാത്ത മണ്ഡലങ്ങള്‍ ആലപ്പുഴ, വടകര, വയനാട്, ഇടുക്കി, കാസര്‍കോ്ട് മണ്ഡലങ്ങളാണ്.

 

English summary
clash in congrees on candidate issue
topbanner

More News from this section

Subscribe by Email