Wednesday July 24th, 2019 - 5:58:am
topbanner
topbanner

വയനാട്ടിലെ പ്രചാരണം ശക്തമാക്കി കോണ്‍ഗ്രസ് ; കൂടുതല്‍ ഭൂരിപക്ഷം കിട്ടുന്ന നിയോജക മണ്ഡലത്തിന് ഒരു പവന്‍ സമ്മാനം പ്രഖ്യാപിച്ച് ചെന്നിത്തല

suji
വയനാട്ടിലെ പ്രചാരണം ശക്തമാക്കി കോണ്‍ഗ്രസ് ; കൂടുതല്‍ ഭൂരിപക്ഷം കിട്ടുന്ന നിയോജക മണ്ഡലത്തിന് ഒരു പവന്‍ സമ്മാനം പ്രഖ്യാപിച്ച് ചെന്നിത്തല

രാഹുല്‍ ഗാന്ധിക്ക് ഏറ്റവും കൂടുതല്‍ ഭൂരിപക്ഷം കിട്ടുന്ന വയനാട്ടിലെ നിയമസഭ നിയോജക മണ്ഡലത്തിന് ഒരു പവന്‍ സ്വര്‍ണമാണ് പ്രതിപക്ഷ നേതാവ് രമേശ് ചെന്നിത്തല വാഗ്ദാനം ചെയ്തിരിക്കുന്നത്. മൂന്നു ലക്ഷത്തിന് മുകളില്‍ ഭൂരിപക്ഷമാണ് കോണ്‍ഗ്രസ് വയനാട്ടില്‍ നിന്ന് പ്രതീക്ഷിക്കുന്നത്.

ഏറനാട് മണ്ഡലത്തിലെ തെരഞ്ഞെടുപ്പ് പ്രചരണത്തിനിടെയാണ് രമേശ് ചെന്നിത്തലയുടെ സ്വര്‍ണ്ണ വാഗ്ദാനം. ഏറ്റവുമധികം ഭൂരിപക്ഷം നേടുന്ന മണ്ഡലത്തിലെ ഭാരവാഹികള്‍ക്ക് സമ്മാനം നല്‍കുമെന്ന് മുമ്പ് പ്രഖ്യാപിച്ചിരുന്നു. ഇത് കൂടാതെയാണ് ചെന്നിത്തലയുടെ സ്വര്‍ണ്ണ വാഗ്ദാനവും. കൂടുതല്‍ ഭൂരിപക്ഷം നേടുന്ന കമ്മിറ്റിക്ക് സമ്മാനം നല്‍കുമെന്ന് പി കെ ബഷീറും ആര്യാടന്‍ മുഹമ്മദും പ്രഖ്യാപിച്ചിട്ടുണ്ട്.

വയനാട് ജില്ലയിലെ സുല്‍ത്താന്‍ ബത്തേരി, മാനന്തവാടി, കല്‍പ്പറ്റ, കോഴിക്കോട് ജില്ലയിലെ തിരുവമ്പാടി എന്നീ മണ്ഡലങ്ങളില്‍ നിന്നായി ഒന്നര ലക്ഷം വോട്ടിന്റെ ഭൂരിപക്ഷമാണ് പ്രതീക്ഷിക്കുന്നത്. അതേസമയം, രാഹുല്‍ ഗാന്ധിയുടെ സംസ്ഥാനത്തെ രണ്ടുദിവസത്തെ തിരഞ്ഞെടുപ്പ് പര്യടനം ഇന്നാരംഭിക്കും. മാവേലിക്കര, പത്തനംതിട്ട, ആലപ്പുഴ, തിരുവനന്തപുരം മണ്ഡലങ്ങളിലെ പ്രചാരണ യോഗത്തില്‍ പങ്കെടുക്കുന്ന രാഹുല്‍ ഉച്ചയ്ക്കു പാലായിലെത്തി കെ.എം. മാണിയുടെ കുടുംബാംഗങ്ങളെ സന്ദര്‍ശിക്കും. വയനാട്ടിലും പാലക്കാട്ടുമാണു നാളെത്തെ പ്രചാരണപരിപാടികള്‍.

 

Read more topics: chennithala, gold offer, viral
English summary
chennithala gold offer viral
topbanner

More News from this section

Subscribe by Email